მინჩო
მინჩო (იტალ. Mincio) — მდინარე ჩრდილოეთ იტალიაში. მდინარე პოს მარცხენა შენაკადი. სიგრძე 75 კმ, აუზის ფართობი 2.859 კმ². მინჩოს სათავეა მდინარე სარკა, რომელიც გარდის ტბას ერთვის. აქედან გამომავალი მდინარე მინჩოს სახელითაა ცნობილი. მიედინება პადანის დაბლობზე. ორივე მდინარის სიგრძე (ტბასთან ერთად) შეადგენს 194 კილომეტრს.
| მინჩო | |
|---|---|
 | |
| ქვეყანა |
 იტალია |
| სათავე |
გარდა 45°26′20″ ჩ. გ. 10°41′52″ ა. გ. / 45.43889° ჩ. გ. 10.69778° ა. გ. |
| სიგრძე | 75 კმ |
| აუზის ფართობი | 2 859 კმ² |
 მინჩო ვიკისაწყობში | |
589 წლამდე მდინარე მინჩო ქალაქ ადრიის სიახლოვეს ჩაედინებოდა ადრიატიკის ზღვაში. 589 წელს მდინარე ადიჯეზე მომხდარი ძლიერი წყალდიდობის გამო შეიცვალა ადგილობრივი ლანდშაფტი და მინჩოს კალაპოტი სამხრეთისაკენ წაიწია, სადაც მდინარე პოს შეურთდა.