Commodore 64 Games System

Commodore 64 Games System (აბრევიატურა C64GS) — კარტრიჯული მესამე თაობის სახლის ვიდეო თამაშების კონსოლი Commodore 64-ის სახლის კომპიუტერების სერიიდან. აწაროებდა კომპანია Commodore International. გამოვიდა 1990 წლის დეკემბრის თვეში, იმ პერიოდში, როდესაც ბაზარზე დომინირებდნენ Nintendo-სა და Sega-ს სათამაშო კონსოლები.

Commodore 64 Games System
მწარმოებელი	Commodore International
პროდუქტის ოჯახი	Commodore 64
ტიპი	სახლის ვიდეო თამაშების კონსოლი
თაობა	მესამე თაობა (8 ბიტიანი)
გამოშვების თარიღი	დეკემბერი, 1990 (1990-12)
გაიყიდა	20.000
მედია	კარტრიჯი
კონტროლერის შეტანა	ჯოისტიკი
უკუთავსებადობა	Commodore 64

იგი გამოიცა მხოლოდ ევროპაში — დიდ ბრიტანეთსა და გერმანიაში, თუმცა კომერციულად წარუმატებელი აღმოჩნდა. ამის მიზეზი იყო ის, რომ, ჟურნალ „Zzap 64“-მა გამოსვლიდან 2 თვით ადრე განაცხადა, რომ C64GS-ის გამოცემისთანავე მასზე ხელმისაწვდომი იქნებოდა 100 თამაში, თუმცა გამოსვლის შემდეგ თამაშების რაოდენობა 28-ს არ აღემატებოდა, რომელთაგანაც, მხოლოდ და მხოლოდ 9 იყო ექსკლუზივი. აგრეთვე კიდევ ერთი მიზეზი მოძველებული ტექნიკური მახასიათებლები იყო, რამაც ვერ უზრუნველყო კონკურენცია გაეწია ბაზარზე Super Nintendo Entertainment System-სა და Sega Mega Drive-ისთვის.

საერთო ჯამში კომპანიამ აწარმოა 80,000 ეგზემპლარი, საიდანაც მხოლოდ 20,000 გაიყიდა. C64-ს თან მოჰყვებოდა 4 თამაში: „Fiendish Freddy's Big Top O'Fun“, „International Soccer„, „Flimbo's Quest“ და „Klax“.

იხილეთ აგრეთვე

• Commodore 64
• Commodore MAX Machine

რესურსები ინტერნეტში

• შეგიძლიათ იხილოთ მედიაფაილები თემაზე „Commodore 64 Games System“ ვიკისაწყობში.
• „The C64 Console!“/„Inside the future: The C64GS“ zzap64.co.uk/zzap66/thec64gs.html/ „The C64 Console!“/„Inside the future: The C64GS“; ედ სტუ, ჟურნალი „Zzap 64“, 66-ე ნომერი, ოქტომბერი, 1990
• The Commodore C64 Games System; ინფორმაცია და სურათები ბო ზიმერმანის კოლექციიდან
• 8Bit-Homecomputermuseum; C64GS-ის გალერეა