Amazonka

Amazon dáryası (İspan hám Portugalshada Rio Amazonas) Qubla Amerikanıń, tiykarınan Braziliyanıń tropikalıq toǵaylarınan aǵıp ótetuǵın dárya esaplanadı. Ol Atlantika okeanına quyadı. Bul dárya aǵıp ótetuǵın suw kólemi boyınsha eń úlken dárya esaplanadı. Amazonka dáryasınan onnan keyin turatuǵın segiz dáryanıń suwın qosqanda payda bolatuǵın suwdanda kóbirek suw aǵıp ótedi. Amazonka dáryası dúnyada eń úlken basseynge iye. Onnan dúnyadaǵı ulıwma dáryalardan aǵıp ótetuǵın suwlardıń besten biri aǵıp ótedi. Jawınlı máwsimde dáryanıń ayırım jerleriniń eni 190 kilometrden asıp ketedi. Kóleminiń úlkenligi sebepli onı Dárya Teńiz depte ataydı. Ol dúnyanıń eń úlken dárya sisteması esaplanadı.

Amazon dáryası quyar jeriniń kosmostan kórinisi