Deepika Padukone
Deepika Padukone (jdb. 5ê rêbendana 1986an) lîstikvanek Hindî ye ku bi giranî di fîlmên Hindî de dixebite. Ew li Hindistanê yek ji lîstikvana herî payedar e, û heta niha sê Xelatên Filmfare wergirtiye. Ew di navnîşên kesayetiyên herî populer ên neteweyê de ye; kovara Time wê di sala 2018an de yek ji 100 kesên herî bibandor li cîhanê destnîşan kir û di sala 2022an de wê bi xelata TIME100 Impact xelat kir.
Deepika Padukone | |
|---|---|
 | |
| Jidayikbûn | 5 kanûna paşîn 1986  |
| Hevwelatî | Hindistan |
| Perwerde |
|
| Pîşe | |
| Hevjîn |
|
| Dê û bav |
|
| Xelat |
|
| Malper | deepikapadukone |
 | |
biguhêre - Wîkîdaneyê biguhêre | |
Padukone wek keça lîstikvanê badmintonê Prakash Padukonevli Kopenhagê ji dayik bû û li Bangalore mezin bû. Wekî ciwan, wê di şampiyoniyên asta neteweyî de badminton lîst, lê kariyera xwe di werzîşê de hişt ku bibe modelek modayê. Wê di sala 2006an de wekî karakterê sernavê fîlma Kannada Aishwarya yekem lîstikvaniya xwe kir. Paşê Padukone di yekem fîlma xwe ya Bollywoodê de, fîlma romantîk ya Om Shanti Om (2007) de li hember Shah Rukh Khan rolek dualî lîst, ku wê xelata Filmfare ji bo Debuta Jinê ya Herî Baş wergirt. Padukone ji bo rola xwe ya di fîlma romantîk ya Love Aaj Kal (2009) de pesnê xwe girt.
Komediya romantîk Cocktail (2012) di kariyera wê de xalek zivirîn nîşan da, û wê bi rolên stêrk di fîlmên cuda serkeftineke mezin bidest xist: wek di komediyên romantîk ên Yeh Jawaani Hai Deewani û Chennai Express (her du di sala 2013an de hatin berdan), komediya Happy New Year (2014), dramên serdemê yên Sanjay Leela Bhansali yên bi navê Bajirao Mastani (2015) û Padmaavat (2018), û fîlma aksyonê ya Hollywoodê XXX: Vegera Xander Cage (2017), fîlma trajîk-romantîk a Bhansali Goliyon a bi navê Ki Raasleela Ram-Leela (2013) û Piku (2015). Di fîlma Piku de wê du Xelatên Filmfare wek Lîstikvana Herî Baş bidest xist. Li dû navberek kurt, Padukone di fîlma xwe ya Pathaan (2023) derket ekranan.
Padukone damezrînerê Weqfa Live Love Laugh e, ku li Hindistanê hişyariyê dide li ser tenduristiya giyanî. Di derbarê mijarên wekî femînîzm û depresyonê de dengdar e, û di heman demê de beşdarî pêşandanên sehneyê dibe, ji rojnameyan re quncik dinivîse, xeta xwe ya cil û bergên jinan sêwirandiye, û ji bo marka û hilberan piştgirek navdar e.
Padukone bi hevjîna xwe ya lîstikvan Ranveer Singh re zewicî ye.