Hevwate

Bi îngilîzî "synonymous". Gotina "Hevwate" di kurdî de [rengdêr]ek e. Ji bêjeyên ku tên heman wateyê tê bikaranîn. Mînak ev gotinên jêrîn hevwate ne:

Roj û Tav

Pir û Gelek

Zar û Zêç

Gede, Zarok, Mindal û Zar

Westan û Betilîn

Pirtir û Zêdetir

Kevir û Ber

Fikr û Raman

Werê, Wanî û Halo

Wilo û Wisa

Di kurdî de hevwate gelek in. Ji ber ku zimanê kurdî heta sedsala 20'an jî di warê nivîskî de ji ber qedexeyan pir lawaz bû, li her herêmekê zimanê kurdî bi derfetên xwe û bi awayekî girtî pêşve çûye. Ji ber vê yekê gotinek ku li herêma Mêrdînê bi awayekî hatibe bikaranîn, li herêma Şirnexê bi awayekî din hatiye bikaranîn. Li bajarên din jî bi awayên din.

Ferqa Hevwateyan û Devokan

Hin gotin hene ku ew jî li her herêmekê bi awayekî din tên bikaranîn, lê ew ne hemwate ne, belê guhertoyên devokî ne. Mînak ev gotinên jêrîn ne hevwate ne, lê guhertoyên devokî ne:

Wer û Werê

Hûr û Hwîr

Dûr û Dwîr

Gûz û Gwîz

Şûr û Şwîr

Kîvroş û Keroşk

Mirov û Meriv û Merov

Gotinên ku koka wan yek be û dengê wan cuda be ne hevwate ne.