Las Meninas
Las Meninas (ji zimanê spanî tê wateya "xizmetkarên jin") tabloyek ji sala 1656ê ye û îro li Museo del Prado li Madrîdê tê pêşandan. Tablo ji aliyê Diego Velázquez, wênesazê pêşeng ê Barokê spanyol hat boyax kirin. Ew bûye yek ji xebatên wênesaziya rojavayî yên ku herî zêde hatine analîzkirin. Kompozîsyona wê ya tevlîhev û enigmatîk pirsên li ser rastî û xeyalê derdixe holê. Di heman demê de tablo di navbera bîner û fîgurên ku tên teswîrkirin de têkiliyeke nediyar çêdike.
Las Meninas
Las Meninas (The Maids of Honor)  | |
|---|---|
| |
| |
 | |
| Welat | |
| Dewlet | Spanya |
| Çêker | |
| Dema avabûnê |
|
| Şêwe | Group portrait |
| Motîv |
|
| Jê çêbûyî |
|
biguhêre - Wîkîdaneyê biguhêre | |
Mijara tabloyê
biguhêreLas Meninas jûreyek mezin li Alcazar ya Madrîdê nîşan dide, ku rûniştina sereke ya keyê Spanyayê Philip IV bû. Tablo çend kesên ji dadgeha spanî nîşan dide û nasnameya piraniya wan îro bi zelalî têne nasîn. Di navenda tabloyê de prenses Margarîta ya pênc-salî ye. Li dora wê xizmetkar, cerdevanek, du bejnbost û kûçikek peyda ne. Li milê wan ê çepê Velázquez li ser pê ye, yê ku li ser xêzeke mezin dixebitî û nêrîna xwe ber bi temaşevan ve dibe.[1] Neynikek li paş de daliqandî ye û padîşah û şahbanûyê nîşan dide. Mirov dibêje qey her dû li derveyî jûreya wênekirî radiwestin û, mîna temaşevanê tabloyê, li mirovên ku hatine xêz kirin dinêrin. Lêbelê, li gorî hin dîroknasên hunerê, neynik tenê tabloya ku Velázquez niha li ser dixebite nîşan dide.
Las Meninas di dîroka hunerê de yek ji tabloyên herî zêde tê nîqaşkirin e. Wênesazê barokê Luca Giordano îdia kir ku tablo "teolojiya wênesaziyê" temsîl dike. Di sedsala 19an de, wênesaz Thomas Lawrence ew wekî xebatek li ser "felsefeya hunerê" bi nav kir. Heya roja îro, ew bi berdewamî wekî tabloya herî girîng a Velázquez tê binav kirin û li ser tiştê ku tabloyek dikare temsîl bike wekî şiroveya herî pêbawer û ramanî tê hesibandin.[2]
Çavkanî
biguhêre- ^ Kahr, Madlyn Millner (1975-06). "Velázquez andLas Meninas". The Art Bulletin. 57 (2): 225–246. doi:10.1080/00043079.1975.10787153. ISSN 0004-3079.
{{cite journal}}: Nirxên tarîxê kontrol bike:|tarîx=(alîkarî) - ^ Honour, Hugh; Fleming, John (1982). A world history of art. London: Macmillan. ISBN 978-0-333-23583-6.