Wina'am Gbauŋ:Nɔnaar Kʋdʋg:Fabʋlʋg

Lamentations

religious text, book of the Bible

Part of	Five Megillot, Ketuvim, Old Testament, Major prophets
Native label	מְגִלַּת אֵיכָה
Short name	Klgl
Title	אֵיכָה
Derivative work	Lamentations Rabbah
Genre	prophetic books
Has edition or translation	Q84018737, Q113742748
Language of work or name	Hebrew
Entry in abbreviations table	Lamentations
Stack Exchange tag	https://hermeneutics.stackexchange.com/tags/lamentations, https://judaism.stackexchange.com/tags/lamentations-eicha

Gbauŋ nwa' yɛla

Fabʋlʋg gbauŋ la pa'annɛ nidib la da fabin namisʋg kanɛ da paae Jerusalem tempʋʋg saŋkanɛ ka Babilon soogianam da san'ami li la. Ninsɔ' da nyɛ tɔɔg la ka o sʋnf san'am ka o sɔb gbauŋ nwa'. [Daasi'erɛ di da anɛ Wina'am nɔdi'es Jeremia.] La'an nɛ ala, o nan tis sida ye Wina'am sʋ'oe si'el wʋsa maalʋg (3:23). Di naarin la o da sɔs winsɔsʋg kanɛ yɛt Wina'am ye o mɔr o nidib la lɛb o san'an na (Zug 5).

Jerusalem tempʋʋg bɛnɛ mugusʋgin

1. Jerusalem kanɛ ka nidib da pɛ'ɛl la yʋ'ʋn kpɛlimnɛ nɛɛm. Onɛ ka dunia wʋsa da tisid na'asi la yʋ'ʋn nwɛnɛ pʋkɔɔnr nɛ. Tempʋkanɛ da sʋ'oe sʋ'ʋlim bɛdegʋ la yʋ'ʋn lieb yammis teŋ.
2. Yʋ'ʋŋ wʋsa ka o kaasid ka o ninta'am yuod bɔr-bɔr. Banɛ da nɔŋ o la wʋsa sʋʋgin sɔ' kae na lɛn bɛlis o ka kpɛ'ɛŋ o sʋnfɔ. O kpi'es la wʋsa gbi'id o nɛ ka yit o nya'aŋ ka lieb o dataas.
3. Juda nidib anɛ yammis ka pʋ mɔr sʋŋirɛ ba kadi ba yisi ba yaan nɛ ba mɛŋ teŋin. Ban bɛ teŋ si'a la ba kʋ nyaŋi yɛl ye ba mɛŋ teŋa, ka ba dataas giligi ba zin'ig wʋsa ka ba kʋ nyaŋi yii.
4. Sɔ' pʋ lɛn ken Pʋ'ʋsim Yin laa, ba pʋ kenna ye ba pʋ'ʋs ka di'em malima saŋaa. Pu'asada banɛ daa yʋ'ʋm la namisidnɛ ka maanmaannib la nyɔn nɛ sʋnsa'aŋ. Tempʋʋg la za'anɔya anɛ zaalim ka Zion namisʋg la san'ami ba sʋnya.
5. Ba dataas zabi nyaŋi ba ka sʋ'oe ba ka mɔri ba nɛ kpi'euŋ. Zugsɔb la kɛnɛ ka ba namis ka li yinɛ ba tʋʋmbɛ'ɛdin na. Ba biis la bɛ nɛ teŋ zʋŋ, ba gban'e ba wʋsa mɔri keŋ.
6. Jerusalem vɛnlim la wʋsa lɛn kae. Li wʋmi ba tuongatib la hali

ka ba nwɛnɛ walis ka kɔ'ɔm mɔri ba ka ba gin ka pʋ nyɛ diibɔ. Tɔn'ɔsnam la kati ba ka ba zɔ ka paŋ wʋsa naae. 7 Jerusalem yʋ'ʋn kpɛlimnɛ dabɔɔd ka tɛn'ɛsid o kpan'am da an si'em la yɛla. Teŋ la da luu o dataas nu'usin la, sɔ' da kae na nyaŋi sʋŋ o ka o dataas la yʋ'ʋn gɔsid o ka la'ad o, o liig la yɛla. 8 Jerusalem tʋm tʋʋmbɛ'ɛd bɛdegʋ dinzug ka o lɛn ka' nyain nɛ. Banɛ da na'asid o la wʋsa yʋ'ʋn gɔsid o nɛ yɔri, bɔzugɔ ba nyɛɛ o gbin. O mɛŋ ʋʋnsidnɛ ka fɛndigi lɛb nya'aŋ sa. 9 O tʋʋmfɛn'ɛsa la da nienɛ paalʋ nyain, amaa ka o ba'a kae nɛ on na ba'as si'em. On da san'am si'em la da anɛ yɛlpakir, ka sɔ' mɛ lɛn kae bɛlisid oo. “O m Zugsɔba, gɔsimi m namisʋg la; m dataas la nyaŋim nɛ!” 10 O dataas la faaɛn o la'asʋma la wʋsa; O nyɛ tembanɛ an ba'amaannib la kpɛn'ɛd o Pʋ'ʋsim Yin la, banɛ ka fʋ kisigi ba ye ba da kpɛn' fʋ nidib la'asʋg zin'igin la. 11 Nidib la fabinnɛ ieed ban na paam si'eli di, ka nɔki ba areza'asi tiak diib ye ba dit ka vʋe. Tempʋʋg la dim kaasid ye “Ti zugsɔba! Gɔsim ban ziemi ti si'em!” 12 “Li na pʋ pak yanam banɛ gat la? Gɔsim giligi ka ya na nyɛ. Sɔ' lɛm bɛɛ nyɛt tɔɔg wʋʋ namisʋg kanɛ ka Zugsɔb la mɔri kɛɛn m zugin na o sʋnpɛɛn dabisir la?” 13 O kɛnɛ ka bugum yii agɔl na dit mam kɔnba. O bɛndim nɛ baŋi gban'e m ka vɛ'ɛgimi lɛbis na. O basim nɛ tɔɔg pʋʋgin ka m namisʋg la pʋ naada. 14 O vɛɛnsi m tʋʋmbɛ'ɛd la wʋsa ka lɔɔ ba la'as taaba ka nɔki ba kɔlli m niŋgɔɔnrin ka li tɛbisim la kɛ ka m gɛn. Zugsɔb la nɔkimi tisim dataas ka m kʋ nyaŋi zab nɛ ba. 15 Zugsɔb la zan'as zabzabidib banɛ bɛɛ m san'an la o la'as soogianam ye ba zab nɛ m ka kʋʋ m dasam la wʋsa. Zugsɔb la nɔɔ m nidib la bugusi bugus, wʋʋ ban nɔɔd daam tiwala nwi'asid si'em la. 16 Nɛ'ɛŋa kɛ ka m kum ka m nini wʋsa an ninta'am, ka sɔ' kae na bɛlisim bɛɛ kpɛmisi ma, M nidib la wʋsa ka'asigɛ ka li anɛ m dataas la zabi nyaŋim la zug. 17 Teŋ la nwɛnɛ pu'a na tiɛnd o nu'ug amaa sɔ' kae na bɛlis o, ka o yɛt ye “Zugsɔb la zi'el nɔɔri tis Jakob ye o kpi'es na lieb o dataas; Jerusalem yʋ'ʋn nwɛnɛ dian'ad sɔb nɛ ba sʋʋgin.” 18 Zugsɔb la anɛ pʋpielim sɔb amaa ka man lɛɛ ki'is o zi'elʋg. Sɔ' wʋsa kɛlisim! Gɔsimini m tɔɔg nɛ m namisʋg la an si'em! Ba gban'e m na'akim nɛ m pu'asada la ka ba wʋsa lieb yammisi bɛ teŋ zʋŋ. 19 M daa buoli m zuanam ye ba kena sʋŋim, amaa ka ba pan'asim ka zan'as. M maanmaannib nɛ m kpɛɛmnam la dɔl suoraadi giligidi ieed diib tempʋʋgin la ye ba di ka vʋe amaa ka pʋ nyɛɛ ka vibi kpi kɔ'ɔm. 20 M Zugsɔba, gɔsimi m sʋʋnri san'am yɔri-yɔri si'em! M pʋʋg lɛɛrim nɛ, ka m sʋnf san'am ka tɔɔg mɔrim hali ka li anɛ m tʋʋmbɛ'ɛd nɛ m tʋbzian'asim la yɛla. Ninkʋʋdibi bɛ suoya la ni, ka kum bɛ za'asin nɛ dɔɔdin wʋsa. 21 Nidib wʋmi m kaasig, amaa sɔ' kae na bɛlisi ma. M dataas la wʋsa wʋmi m sʋnsa'aŋ la yɛla; ba maannɛ sumalisim fʋn kɛ ka tɔɔg paam la zug. Kɛl ka namisʋg dabiskanɛ ka fʋ da kaanbi zi'el la lii ba zugin ala ka ba mɛ na nwɛnɛ mam nɛ. 22 Zugsɔba, namisimi ba, ba bugusim la zug. Tɛɛgimi ba tʋbir wʋʋ fʋn tɛɛg mam tʋbir si'em m tʋʋmbɛ'ɛd zug la. M sʋnsa'aŋ la zu'oe nɛ hali ka m bɛn'ɛd susʋnya ban'as.

Zugsɔb la tɛɛg Jerusalem dim tʋbir

1 Zugsɔb la sʋnf duonɛ hali ka o kɛ ka Zion wʋsa an lik. O nɔk Israel vɛnlim la wʋsa bas ka li naan arezana nii li teŋin. O pʋ lɛn tɛnr o Pʋ'ʋsim yir linɛ aan o nɔba zi'elʋg zin'ig la o sʋnpɛɛn la daarɛ. 2 O san'am Juda sʋ'ʋlim teŋkpɛmis la wʋsa ka pʋ zɔ nimbaanliga. O san'am zaŋguoma banɛ gu'ud teŋ la nɛ Zion tempʋʋg kpi'euŋ zin'is wʋsa. O kɛ ka nyan kpɛn' teŋ la hali ka tuongatib la wʋsa lɛn ka' na'asi. 3 O sʋʋnr duoe nɛ Israel dim la hali ka o kɛnsi ba giinla. Ba dataasi da li'en na la, ka o lɛb nya'aŋ ka zan'as ye o kʋ sʋŋi baa. O sʋʋnr pɛlig nɛ Jakob wʋʋ bugum diti san'amid la'ad si'em la. 4 O tɔɔndi ba nɛ piema wʋʋ o anɛ ba dataa nɛ o ti'eb ya nɛ o nu'ug kanɛ mɔr paŋ la. Li nwɛnɛ dataa ka o kʋnɛ o kʋ banɛ an ninsʋma la wʋsa; ka kpa'ae o sʋnpɛɛn la wʋʋ bugum nɛ niŋ Zion teŋ la ka li dii san'am ya'. 5 Zugsɔb san'am Israel wʋʋ o dataa nɛ, ka kɛ ka na'ayir la wʋsa lieb dabɔɔd ka san'ami ba kpi'euŋ zin'is la. O tis Juda dim sʋnsa'aŋ bɛdegʋ ka ba kum ka fabin. 6 O da nwa'ae o Pʋ'ʋsim Yir la bas ka san'ami ba la'asʋg zin'ig la bugusi bugus. Zugsɔb la kɛya ka ba tami ba malima nɛ ba Vʋ'ʋsʋm dabisa; o sʋnpɛɛn la taas na'anam nɛ maanmaannib la, FABƲLA 2 ka o zan'asi ba wʋsa. 7 Zugsɔb bas o mɛŋ maan daka la nɛ, nɛ o Pʋ'ʋsim Yir la. O zaŋi li tis dataas la ka ba faaɛn na'ayir la nɛ ba ya-vɛnla la. Ba maan tʋkpiidʋg Zugsɔb Yir la pʋʋgin nwɛnɛ malʋŋ dabisa ka ba maan si'em la. 8 Zugsɔb la gban'e ye o nwa'ae o na'am zaŋguoma banɛ gilig Zion la. O nɔk linɛ makid la maki li ka pʋ basi li san'auŋɔ. O kɛ ka zaŋguoma wʋsa kaasid; ka kɛ ka ba san'ami li wʋsa. 9 Za'anɔya la wʋsa vɔnrigi sig teŋin ka li kʋlis nɛ kʋntnam wʋsa kɔ' gima-gima. Ba na'anam nɛ burikinnam wʋsa lieb yammis. Wada la lɛn kae baa bi'elaa, ka nɔdi'esidib la mɛ pʋ lɛn wʋm si'el bɛɛ nyɛt si'el ka li yit Zugsɔb san'an na ya'asɛ. 10 Jerusalem bʋnkʋd la yʋ'ʋn zin'inɛ teŋin ka fɔn ki' an baanlimm. Ba wʋsa bugi ba zut nɛ titan ka yɛ bɔto fuudi pa'annɛ ba sʋnsa'aŋ. Pu'asada banɛ bɛ Jerusalem la wʋsa nyan mɔri ba nɛ ka ba nɔki ba zuti ba' teŋin. 11 M kaas nɛ hali ka m nini pʋ lɛn nyɛta ka m zi' man bɛ si'ela. M sʋnf san'amnɛ m nidib la san'auŋ yɛla li wʋmim nɛ ka m lɛn ka' paŋa. Biis nɛ bilies la nwi'e tempʋʋg la suoya ni. 12 Ba kaasidnɛ tisidi ba manamɛ bɔɔd diib nɛ bʋnnuuda. Ba lu tempʋʋg la suoya ni nwi'e wʋʋ ba pu'alimi ba nɛ. Ka tita'am kpii ba manam la nu'usin. 13 Jerusalem, Jerusalem kanɛ ka m nɔŋa, FABƲLA 2 m ye m yɛl ye bɔ? M ye m nɔk bɔɔ maki fɔ? Bɛɛ m na yɛli fʋ yɛla ye bɔ? Namiskan ka fʋ namis la sɔ' nan namis namiskan buudii? Fʋ namisʋg la zu'onɛ wʋʋ atɛuk nɛ ka onɛ na bɛlisif lɛn kae. 14 Nɔdi'esidib la da pʋ pian'ad sida tisidi fɔ asɛɛ faad nɛ dama'am ma'aa. Ba da pʋ mɔɔli nie ya tʋʋmbɛ'ɛdi an si'em, ka ya gu'us ka ba da gban'e ya keŋ teŋ zʋŋɔ. Ban yɛti ya si'el wʋsa la anɛ dama'am ma'aa ka kpɛn'ɛsidi ya mɔɔg. 15 Nimbanɛ gat tempʋʋgin la wʋsa la'adi ya nɛ, ka nwɛ'ɛdi ba nu'us ka lɔbid zut ka la'ad Jerusalem san'auŋ la yɛla. Ba bu'osid taaba ye, “Tempʋmalisiŋ la nwana? Zin'ikanɛ an Dunia wʋsa malisim zin'ig la nwana?” 16 Ya dataas la wʋsa lɔbidi ya nɛ nɔya ba wʋsa kpɛn'ɛsidi ya nɛ ɛndʋg ka ga'ad nyina. Ba yɛt ye, “Ehɛɛn! Ti san'ami ba! Dabiskanɛ ka ti daa gu'usid la paae ya ka ti nini nyɛ li!” 17 Zugsɔb la gban'e ye o tʋm tʋʋm si'a la nwa' ka o yʋ'ʋn tʋm naae; hali kʋdimin sa ka o da gban'e li yɛla. O tuligi ya yɛla ka san'ami ya suoya wʋsa ka pʋ zɔ nimbaanlig wʋʋ on pʋn dɛŋi yɛl si'em la. O kɛya ka ya dataas nyaŋi ya ka kɛ ka ba sʋʋnr ma'ae yanamɛ paam san'auŋ si'em la zug. 18 O Jerusalem, kɛlli ka ya zaŋguoma la kaas ka li wʋsa nwɛ' kuŋi tis Zugsɔb la. Kɛlli ka ya ninta'am yit wʋʋ ku'om bun nɛ ka pʋbid yʋ'ʋŋ nɛ nintaŋ. Kaasimi ka kɛ ka ya sʋnya san'am. Da vʋ'ʋs bɛɛ bas kaasig baa bi'elaa. FABƲLA 2–3 19 Yʋ'ʋŋ wʋsa duom ka kaasi tis Zugsɔb la, kaasim zaamnɔɔr hali ti paae yʋ'ʋntisʋʋs. Nɔkimi ya sʋnya kpa'ae wʋʋ ku'om nɛ sɔsid Zugsɔb la. Ʋkimini ya nu'us agɔl ka sɔs o ka o zɔɔ ya biis la nimbaanlig; bibanɛ ka kɔ'ɔm kʋʋd suoya wʋsa ni la. 20 Wala ka fʋ namisidi ba ala, Zugsɔba? Sɔ' kae nam mi' nyɛ namisʋg ka li nwɛnɛ nɛ'ɛɛ. Gɔsima! Li nar ye pu'ab ɔnbi ba biisɛ? Bibanɛ ka ba mɛŋ du'a ka gɔsi ba la? Ka li nar ye ba kʋʋdi fʋ maanmaannib nɛ nɔdi'esidib banɛ tʋmmi fʋ Pʋ'ʋsim Yin la? 21 Ba biis nɛ ba kpɛɛmnam la'am kpii dig teŋin suoya la ni. Dataas la kʋʋ ba dasam nɛ pu'asada la; ba kʋʋ ba wʋsa tanpin. Fʋ sʋʋnri duoe la zug ka fʋ kɛ ka ba kpi ka pʋ zɔɔ ba nimbaanliga. 22 Zugsɔba, fʋn la'asid nidib ye ba di ka maal sumalisim si'em la, ala ka fʋ kɛ ka dataas kpɛn'ɛsidim dabiem zin'ig wʋsa. Zugsɔb la sʋnpɛɛn daar la sɔ' kae na nyaŋi zɔɔ pɔns bɛɛ tiligɛ. Bi'emnam la kena kʋʋ m biis banɛ ka m gʋ'ʋl ka nɔŋ la. Tʋbtɛɛgir nɛ ti'ir yɛla Manɛ an onɛ baŋ namisʋgʋ an si'em ka li anɛ Wina'am sʋnfʋ duoe ka o bʋ'ʋm nɛ balaar. 2 O mɔrimi keŋ kpɛn'ɛs zin'ikanɛ an lik ka nɛɛsim kae. 3 Ka bʋ'ʋm hali sʋ'ʋŋa pɛndigi pɛndig ka pʋ basida. 4 O basi m niŋgbiŋ la ka li kʋdig, ka kɔɔ m kɔnba. 5 O da yɔɔm nɛ sanrega ni FABƲLA 3 ka kɛ ka namisʋg nɛ tɔɔg giligim. 6 O kɛ ka m bɛ likin ka nwɛnɛ banɛ kpii dig yaʋgʋn nɛ. 7 O lɔɔm nu'us nɛ baans ka m ka' yiib ti'irɛ. 8 M kaas kuŋ ka tansi bɔɔd sʋŋir, ka Wina'am zan'as ye o kʋ wʋmi m sɔsʋgɔ. 9 M ya'a ye m keŋ wʋsa o mɛɛd kuga guoma gu'udim. 10 O nwɛnɛ wɛbaa su'a gu'udim ka nwɛnɛ gbigim kanɛ su'a digi pigidim. 11 O vuugimi yi suor la zug na tɔɔnsi tɔɔnsim ka basim, ka sʋŋir kae. 12 O gʋd tiraugʋ tɛk ye o tɔn ka li anɛ mam ka o tɛɛg piim la kpa' ye o tɔn. 13 O fuoe piema o lɔkin, tɔn ka piema la kʋnsi m susʋnf. 14 Nidib la'adim daar wʋsa, ka mɔrimi di'em, ka yʋ'ʋm yʋʋma nɛ'ɛsidim. 15 Namisʋgʋ liebi m diib nɛ m ku'om li tɔɔg nwɛnɛ yabid nɛ. 16 O nɔk zigi nɛ kuga kɔɔ m nyina; ka nɔɔmi digil titanin. 17 M kɔ'ɔŋ laafi nɛ sumbʋgʋsʋm li yuugi galis ka m tam linɛ wʋsa an sʋm yɛla. 18 Ala ka m yɛl ye, “Man vɛnlim naae ya, ka m ti'ir linɛ ka m mɔr Zugsɔb san'an la gaad.” 19 M ya'a tɛn'ɛsi m namisʋg nɛ man giilim si'em la yɛla li anɛ tɔɔg wʋʋ yabid nɛ tisim. 20 M tɛn'ɛsidi li yɛla hali ka m sʋʋnr san'ami li zug. 21 Amaa m tɛn'ɛs yɛl yinne ka linzug ka m mɔr ti'ir ya'as: 22 ye, Zugsɔb nɔŋilim nɛ o nimbaanlzɔɔr linɛ ka' bɛn la, kɛ ka ti nan kpɛm bɛ. 23 Bɛogʋn wʋsa o nɔŋilim la anɛ bʋmpaal; FABƲLA 3 ka o yɛlsida zu'oe hali. 24 M yɛli m sʋʋnrin ye, “Zugsɔb la aan m mɔrim nɛ m faar, ka m nɔki m ti'ir wʋsa niŋ o ni.” 25 Zugsɔb la an sʋ'ʋm tis banɛ ti'iri bɛɛ o ni nɛ banɛ ieed o nɛ ba sʋʋnr wʋsa la. 26 Li an sʋ'ʋm nɛ nidi na ma'ae o mɛŋ baanlimm gur Zugsɔb la faangir la. 27 Li nar ye o mɔr suguru kaŋa mɔdig tʋʋm kpi'ema ni saŋkan ka o nam bɛɛ o dasannimin la. 28 O ya'a namisid, on zin'inim baanlimm nɛ suguru ka li anɛ Zugsɔb la kɛ ka li paae o. 29 O siem o mɛŋi digin teŋin ka daasi'erɛ ti'ir na bɛɛ tis o. 30 Baa li ya'a anɛ tʋ'ʋd nɛ bʋ'ʋd wʋsa on siakimi li ka bɛ baanlimm. 31 Zugsɔb la zɔt nimbaanlig ka kʋ bas ninsaal nyainnɛ. 32 O na mɔr sʋnsa'aŋ na amaa o na pa'al o nimbaanlzɔɔr o nɔŋilim linɛ ka' naar la zug. 33 Li ka' o bɔɔdim ka o namisid nidiba; ba sʋʋnr ya'a san'am li pʋ malis oo. 34 Ba mugus banɛ bɛ sanrega ni ka namisi ba hali. 35 Ba mɔŋ nidib bʋʋd Zugsɔb Onɛ Gaad Si'el Wʋsa la tuon, 36 ka kɛ ka sida kae sariakadib zin'iginɛ; Zugsɔb la nyɛt ka mi' linɛ tʋm wʋsa. 37 Anɔ'ɔnɛ na tun'e tis nɔɔr ka ba sid niŋi li ka li ya'a ka'anɛ Zugsɔb la pʋn gban'e li? 38 Li ka'anɛ Zugsɔb Onɛ Gaad Si'el wʋsa la san'an ka bʋnsʋŋ nɛ bʋmbɛ'ɛd wʋsa yitnaa? 39 Bɔɔ maal ka ninsaal ya'a tʋm tʋʋmbɛ'ɛd ka tɔɔg paae o ka o fabin ka nyɔnnɛ li yɛla? 40 Kɛl ka ti vɛɛnsi ti suoya gɔs ka fɛndigi lɛb Zugsɔb san'an. 41 Kɛl ka ti yɔ'ɔgi ti sʋnya tis Wina'am onɛ bɛ Arezana la FABƲLA 3 ka ʋki ti nu'usi pʋ'ʋs o, ka yɛl o ye, 42 “Ti tʋm tʋʋmbɛ'ɛd ka zan'asi fʋ nɔɔr, ka fʋn Zugsɔb la nam pʋ kɛɛ ti taali basɛ. 43 Fʋ pili fʋ mɛŋ nɛ sʋnpɛɛn wʋʋ fuugnɛ kati ti ka kʋʋdi ti ka pʋ zɔt nimbaanliga. 44 Fʋ pili fʋ mɛŋ nɛ saŋgbana ka li kɛ ka ti sɔsʋg pʋ paadi fɔ. 45 Fʋ kɛya ka ti nwɛnɛ tampʋʋr ka nwɛnɛ sa'adi tis dunia nidib wʋsa. 46 Ti dataas wʋsa la'adi ti nɛ, ba kɛɛndi ti ka tʋ'ʋdi ti. 47 Ti nyɛt tɔɔg nɛ dabiem nɛ vɔlisʋg ka dit namisʋg nɛ fara bɛdegʋ.” 48 M nini wʋsa anɛ ninta'am ka li anɛ m nidib la paam san'auŋ la zug. 49 M ninta'am yit nɛ ka pʋ gu'oda, li zan'as ye li kʋ gu'oe. 50 Asɛɛ ka Zugsɔb naam arezana ni sʋ'ʋnnɛ gɔs na ka nyɛɛti. 51 M ya'a nyɛ ban maan pu'abi m tempʋʋgin la si'em la kɛnɛ ka m sʋʋnr san'amid. 52 M dataas gban'am nɛ baŋ wʋʋ niiŋ nɛ ka m pʋ maali ba si'el si'ela. 53 Ba nɔkim nɛ bas bʋmbɔk zulʋŋin ka nɔk kuga lɔbid ye ba kʋʋm. 54 Ku'om la limi m zug ka m tɛn'ɛs ye m kum paae. 55 M Zugsɔba, m daa bɛnɛ bʋmbɔk la pʋʋgin ka nwɛ' kuŋi buoli fʋ yʋ'ʋr. 56 Fʋ wʋmmi m sɔsʋg, “Da li' fʋ tʋba nɛ man fabinnɛ tisidif ye fʋ tisim yɔlisim la!” 57 Man buolif la fʋ li'eli m san'an na ka yɛlim ye, “Da zɔt dabiem!” 58 Zugsɔba, fʋnɛ kena sʋŋim ka faanm ka kɛ ka m nan vʋe. 59 Fʋ nyɛ ban kisim ka mɔŋi m bʋʋd si'em. FABƲLA 3–4 Kadim saria ka tisim bʋʋd. 60 Fʋ nyɛ ban yɛt ye ba na yɔ sam ka namisim si'em; ba gban'ad gban'abɛ'ɛd m yɛla. 61 Zugsɔba, fʋ wʋm ban tʋ'ʋdim si'em ka gban'ad bɛ'ɛd ye ba mugusim. 62 Daar wʋsa ba pian'ad nɛ mam yɛla ka su'adi gban'ad pʋtɛn'ɛbɛ'ɛdi m yɛla. 63 Lin yi bɛogʋn keŋ paae zaam man ka ba la'ad, hali ba yʋ'ʋmmi ziemid man. 64 Zugsɔba, yɔɔmi ba tʋʋmbɛ'ɛd la sam, kɛl ka tɔɔg paae ba, ka li zemis nɛ ban tʋm si'el la. 65 Kɛl ka ba tʋba ziank, ka kɛ ka fʋ nɔpɔɔr dɔlli ba. 66 Kadimi ba yis nɛ sʋnpɛɛn yisimi ba dunia kanɛ ka Zugsɔb maal la ni. Tɔɔg linɛ paae Jerusalem la Gɔsima, ti sanlim banɛ daa nyɛɛn la vɛnlim san'am ya! Ba nɔk Pʋ'ʋsim Yir kugvɛnla la wʋsa widigi bas suoya ni. 2 Zion dasam banɛ da nwɛnɛ sanlima ligidkpi'ema la, nannanna ba maannɛ ba wʋʋ tan dʋgid ka banɛ ya'abid maal. 3 Hali wɛbaas mu'asidi ba biis bin'isim amaa mam nidib la anɛ nimbɛ'ɛdnam hali, ba nwɛnɛ sian'arin niiŋ titada banɛ pʋ kɛlisidi ba biis kaasiga. 4 Ku'onuudi mɔr bilies la zug ka ba zilima tabinɛ ba nɔnya ni; biis la sɔsid diib, amaa sɔ' pʋ tisi ba diibɔ. 5 Nimbanɛ daa dit disʋma la yʋ'ʋn gɔɔnd pala ni ka kpiid kɔ'ɔm. Banɛ daa dit na'am ka yɛɛd fuvɛnla la yʋ'ʋn bɛ nɛ tampʋya ni pi'isid diib. FABƲLA 4 6† M nidib la nyɛ mugusʋg si'em la gaad Sodom dimi da namis si'em la, la'an nɛ Wina'am da gbirigi san'ami ba la sɔ' da pʋ siak ye o sʋŋi ba. 7 Ti na'abiis la daa pɛligi gaad sakuga ka pɛligi gaad bin'isim, ba niŋgbina anɛ nyain ka vɛnli nwɛnɛ kugbanɛ yʋ'ʋri buon Safira la. 8 Amaa nannanna ba sɔbigi gaad vugulim ka sɔ' kʋ lɛm baŋi ba nindaa. Ba waŋim nɛ kpɛlim kɔnba ma'aa, ka kʋdigi nwɛnɛ dakpi'emis nɛ. 9 Banɛ da kpi zabbɔn'ɔgin la sɔn'oe banɛ ka kɔ'ɔm kʋʋ ba la; ba namis nɛ kɔ'ɔm hali diibi kae pɔɔdin la zug. 10† Saŋa kanɛ ka man nidib la daa bɛ mugusʋgin la, pu'a banɛ zɔt nimbaanlig daa dʋgidi ba mɛŋ-mɛŋ biis ka li liebi ba diib. 11 Zugsɔb la sʋnfʋ pɛlig la o pʋ gu'us baa bi'elaa, ka nyu'oe Zion tempʋʋg nɛ bugum ka li di nɛ li ɛɛnbir la wʋsa. 12 Teŋgbauŋ la na'anam pʋ niŋ labaar la yadda. Hali dunia nidib la wʋsa sɔ' pʋ niŋ yadda ye bi'emnam nɛ dataas na nyaŋi kpɛn' Jerusalem teŋ za'anɔya la nii. 13 Amaa li tʋm ya ka li anɛ ba nɔdi'esidib la tʋʋmbɛ'ɛd zug nɛ ba maanmaannib la maal taal. Ban kʋʋd nidib tempʋʋgin la zug, hali banɛ pʋ tʋm taal la kpii ba nu'usin. 14 Ba tuongatib la yiridnɛ suorin wʋʋ zʋnzɔɔs nɛ. Ba liebnɛ tuk dim ziim kanɛ ka ba yis la zug

† 4:6 Pin 19:24 † 4:10 Zie 28:57; Ezi 5:10 FABƲLA 4 ka sɔ' kʋ nyaŋi si'isi ba ya'asɛ. 15 Ka nidib la yɛti ba ye, “Zɔmi! Ka ya anɛ tuk dim, da si'isi tii! Kemi sa!” Ka ba tɔɔm giligid tɛɛns wʋsa ka teŋ ban dim la yɛti ba ye, “Da di'e ba ka ba kʋ lɛm kpɛlim kpɛla ya'asɛ!” 16 Zugsɔb la mɛŋi widigi ba o pʋ lɛn guri ba ya'asɛ. Maanmaannib pʋ lɛn nyɛt na'asii ka kpɛɛmnam kɔ'ɔŋ girima. 17 Ti da tɛn'ɛsid ye sʋŋir na kena ka li pʋ kenaa, ka ti ti'ir naae. Ti da dʋ dɔwa'ama zugʋ gu'usid teŋ kanɛ kʋ nyaŋi sʋŋi tii. 18 Ti dataas la pigidi dɔlli ti wʋʋ tɔn'ɔsnam nɛ ka ti pʋ lɛn nyaŋidi ken suoya la nii. Ti ba'asʋg dabisir li'el ya ka ti naar saŋa paae. 19 Banɛ da kati ti bugir la ken tɔ'ɔtɔ gaad silʋgʋ ian'ad agɔlli ken si'em la; banɛ dɔlli ti ye ba gban'e la gaadi ti tuon zuoya la ni ka su'a pipirigin ye ba libigi ti. 20 Ba da bɛnd baansi gban'e ti Na'ab onɛ ka ti Zugsɔb gaŋ la, ka li nwɛnɛ ba di'e ti nyɔvʋr wʋsa nɛ. On ka ti niŋ yadda ye ti na su'a o ma'asimin, ka o na gu' ka yisi ti, ti dataas nu'usin. 21 Yanam Edom dim banɛ bɛ Uz teŋ la, kɛlli ka ya sʋnya ma'ae ka ya maal sumalisim! Amaa yanam namisʋg mɛ kenna, ya na paami li. Ya na nuu li bug ka ken biel nɛ nyan. 22 Yanam Zion dima, ya tʋbtɛɛgir naae ya, Zugsɔb kʋ lɛn kɛ ka ya an yammis teŋ zʋŋʋ yuugɛ. Amaa yanam Edom dima, Zugsɔb na tɛɛgi ya tʋba. O na nie ya bugusim la paalʋ ka nidib nyɛ. FABƲLA 5 Ba sɔs Wina'am ye o zɔɔ ba nimbaanlig Zugsɔba, tɛn'ɛsim dinɛ maali ti la; gɔsim tinamɛ di nyan si'em. 2 Ti areza'as wʋsa lieb nɛ saam din ka teŋ zʋŋ dim kpɛn'ɛdi ti yaan. 3 Ti dataas la kʋʋ ti saamnam ka kɛ ka ti manam an pʋkɔnya, ka tinam mɛ an kpiibis. 4 Asɛɛ ka ti da' ku'om ka naan nu; ti mɛŋ daad ka ba kuosidi tisidi ti. 5 Banɛ kati ti la bɛ nɛ ti nya'aŋ yammin ka ti gɛn ka ba mɛ kʋ basi ti ka ti vʋ'ʋsɛ. 6 Dikanɛ ka ti dit ka vʋe kae asɛɛ ti keŋ Egipt bɛɛ Asiria sɔs diib. 7 Ti yaanamɛ da tʋm tʋʋmbɛ'ɛd la ka kpi linzug ka tinam yʋ'ʋn bɛ namisʋg pʋʋgin. 8 Nimbanɛ sʋ'oe ti la anɛ yammis ka sɔ' mɛ kae na faaɛn ti yisi ba nu'usinɛ. 9 Ti ɛɛn kuosnɛ ti nyɔɔr ka naan nyɛ diibi di bɔzugɔ banɛ ye ba kʋʋ ti bɛ sian'arin la. 10 Kɔ'ɔm kɛ ka ti niŋgbina tʋlig wʋʋ bugum nɛ. 11 Ba bibi ti pu'ab Zion zuorin ka dig nɛ ti pu'asada Juda teŋkpɛmisin wʋsa. 12 Ba mɔri ti tuongatib la keŋ yuli ba nɛ nwiis ka pʋ tisidi ti bʋnkʋd la na'asii. 13 Ba mugusidi ti na'akim la ka kɛ ka ba nɛ'ɛm ki wʋʋ yammis nɛ, ka ti biribis la zi daadi gɛn. 14 Kpɛɛmnam la pʋ lɛn zin' teŋ la za'anɔya nii, ka dasam la mɛ pʋ lɛn nwɛ'ɛd yʋʋma ya'asɛ. 15 Malisim gaad ya, ka sʋnsa'aŋ di'e zin'ig wʋsa. Ti wa'a tiaknɛ lieb fabʋlʋg nɛ kaasig. 16 Tinamɛ daa nwɛ'ɛd nyɔ'ɔg nɛ si'el la wʋsa lɛn kae. Gɔsima! Ti tʋm tʋʋmbɛ'ɛd ka bɛ yɛla ni. FABƲLA 5 17 Nɛ'ɛŋa zug ka ti sʋnya san'am ka ti nini pʋ lɛn nyɛt sʋ'ʋŋa. 18 Bɔzugɔ Zion zuor la kpɛlim nɛ zaalim ka Akɔranam giligid teŋ la wʋsa. 19 Amaa Zugsɔba, fʋnɛ an Na'ab saŋa wʋsa ka na'am la bɛ nɛ zʋmaana wʋsa saŋa linɛ ka' bɛnnɛ. 20 Bɔ ka fʋ tammidi ti yɛla saŋa wʋsa? Bɔ ka fʋ basi ti ka li yuugɛ? 21 Mɔri ti lɛb na, Zugsɔba, mɔri ti lɛbi fʋ san'an na! Tɛndigimi ti ka ti lɛbi an wʋʋ tinamɛ da an si'em la. 22 Bɛɛ fʋ zan'asi ti nɛ nyainnɛ? Fʋ sʋnpɛɛn la ka' bɛnnɛ?