Marian

Klass	tirfurv rewlivel
	Restrennow kelmys war Gemmyn Wikimedia

Marian yw tommen a rewtinyow godhesys gans rewliv. Drefen myns ha nerth an rewliv, ev a yll karya stoff a bub myns, dhyworth tewes ha pri dhe vili meur, hemm yw rewtinyow.

Marianow yw godhesys yn niver a dylleryow dyffrans.

Pennmarian

An brassa rann a'n godhesa a hwer war benn isella an rewliv, yn tommen meur henwys pennmarian (Sowsnek: terminal moraine). An pennmarian a dhiskwedh an tyller pella drehedhys gans an rewliv. Pan hwra an rewliv dalleth teudhi, an pennmarian a yll bos arge dhe'n dowr a fros dhyworth an rewliv. Ytho furvyes yw lynn ragrewlivel.

Pennmarian Rewliv Wordie yn Greunland
Pennmarian meur yn Alpow Pow Frynk
Tylleryow pennmarianow yn Pow Finn

Selvarian

Keffrys ha'n pennmarian, yma godhesans yn dann an rewliv plastrys a-dreus an tir (selvarian). Gelwys yw hemma ground moraine yn Sowsnek. Selvarian a furv breow byghan po gwastatiryow leven. Rann anodho yw stoff herdhys gans an rewliv ha rann rewtiryow teudhys pan wrello an rewliv kildenna. Furv a selvarian yw bronn.

Selvarian
Selvarian yn Lynn Louise, Kanada

Marian tenewen

Karrygi terrys dhyworth tenwennow an nans gans ober rewi-teudhi a godh avel radel dhe denewen an rewliv. An rewliv ynwedh a herdh rewtinyow lows dhe'n tenwennow. Hemm a furv marian tenewen.

Marian kres

Pan wrello dew rewliv metya, an marianow tenewen a jun dhe furvya marian kres. Y hwelir marianow kres avel skethow tewl a-hys an rewliv.

Marianow kres ha tenewen, Nuussuaq, Greunland
Marianow kres ha tenewen, Rewliv Kennicott, Alaska
Sarn Badrig, marian tenewen yn Kembra. Gwrys veu an skeusen 4km a'n arvor yn Baya Ceredigion

Marian ughrewlivel

Marianow ughrewlivel yw furvyes gans rewtinyow kuntellys war benn an rewliv. Hemm a yll hwarvos drefen liv an rew tro'ha'n arenep y'n barth ablasya, teudhi a rew arenep po radel ow kodha war an rewliv dhyworth fosow tenewen an nans U.

Marian ughrewlivel war benn an Revliv Athabaska yn Kanada. (Notyewgh an kyttrinyow tornysi war an rewliv)