Jakobitydh
Jakobitydh yw person ow skoedhya an eretons a Jamys I ha VII ha'y eryon dhe gurun Pow Sows, Alban, Pow Frynk ha Wordhen wosa Domhwelans 1688. An Domhwelans na re jassyas Jamys VII a Ji Stuart dhiworth Vreten Veur. Pur gemmyn o Jakobitieth y'n powyow keltek. An Jakobitydhyon a omladha skoedhoryon Wella IV a Oranje yn Wordhen 1688-1691 hag yn Alban 1689-1692 (yn-dann Isyurl Dundee). Yth esa rebellyans jakobitydh meur yn 1715, hag onan arall yn 1745, mes an lelysi a Ji Hannover a fethas an dhew. Bonnie Prince Charlie a verwis yn 1788 heb er saw y vreur Henry IX, dug Evrek, neb o Kardinal y'n Eglos Katholik Romanek. Ny alla an Kardinal Evrek demmedhi drefenn y alwesigeth, ha nagonan a'y eryon bell (eseli a jiow ryal italek hag almaynek) re jalenjyas aga studh avel eryon an Gurun bredennek. Henry Jenner, tas an Dasserghyans Kernewek, a skoodhyas an acheson Jakobitieth ha nyns o da ganso an teylu riel Hanover ha'ga diskynysi.
| Eretons Jakobitydh | eretons | mernans | notennow |
|---|---|---|---|
 – Chi Stuart
| |||
| Jamys II ha VII | 6 Hwevrer 1685 | 16 Gwynngala 1701 | |
| Jamys III hag VIII | 16 Gwynngala 1701 | 31 Genver 1766 | Jamys Fransis Edward Stuart, gelwys ynwedh an Old Pretender po an Marghek a Sen Jori |
| Charlys III | 1 Genver 1766 | 31 Genver 1788 | Charlys Edward Stuart, gelwys ynwedh Bonnie Prince Charlie, an Marghek Yonk, po an Young Pretender |
| Henry IX ha I | 31 Genver 1788 | 13 Gortheren 1807 | y vreur, gelwys ynwedh an Kardinal Evrek |
 – Chi Savoy
| |||
| Charlys IV | 13 Gortheren 1807 | 6 Hedra 1819 | diyskynnyas a vergh Charlys I; kyns myghtern Sardayn |
| Viktor | 6 Hedra 1819 | Genver 1824 | y vreur, myghtern Sardayn |
| Maria III ha II | 10 Genver 1824 | 15 Gwynngala 1840 | y vergh; a dhemmedhis Dug Modena |
 – Chi Hapsborg-Este
| |||
| Fransis I | 15 Gwynngala 1840 | 20 Du 1875 | hy mab, Dug Modena |
| Maria IV ha III | 20 Du 1875 | 3 Hwevrer 1919 | y nith; a dhemmedhis Pryns Bavari |
 – Chi Bavari
| |||
| Robert I ha IV | 3 Hwevrer 1919 | 2 Est 1955 | hy mab |
| Albert | 2 Est 1955 | 8 Gortheren 1996 | y vab |
| Fransis II | 8 Gortheren 1996 | — | y vab |
| Maks | kynsa yn linenn eretons | y vreur | |
| Sofia | nessa yn linenn eretons | y vergh; a dhemmedhis Pryns Liechtenstein | |
 – Chi Liechtenstein
| |||
| Yosep Wenzel | tressa yn linenn eretons | hy mab | |
An erthygel ma yw skrifys yn Kernewek Kemmyn.