Вилюй

Вилюй (якутча Билю) – Якутиядагы дарыя; Ленанын сол куймасы. Узундугу 2650 км, алабынын аянты 454 миң км². Ортоңку Сибирь бөксө тоосу жана Борбордук Якут түздүгү аркылуу агып өтөт. Чернышевский кыштагы тушта ГЭС жана суусактагыч курулган. Негизги куймалары: Чона, Улахан-Ботуобуя, Оччугуй-Ботуобуя (оң), Ыгыатта, Марха, Тюнг (сол). Орточо чыгымы 1480 м³/сек. Октябрдын ортосунан майдын орто ченине чейин тоңот. Чатынан 1371 кмге (суусактагычтан суу коё берилгенде Чернышевский кыштагына чейин) кеме жүрөт. Балык (осётр, таймень, ленок, нельма, чир) кармалат. Башкы порттору: Чернышевский, Нюрба, Вилюйск.

Вилюй
Мүнөздөмө
Узундугу	2 650 км
бассейндин аянты	454 000 км²
Суу агымы
Аягы	Лена дарыясы
Жайгашкан орду
Өлкө	Орусия
Област	Якутия
ОМСР	18030800112117400003664

Вилюй.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4