Гектограф
Гектограф - (гекто... жана ...граф) кол жазма, текст жана сүрөттөрдү көбөйтүп чыгаруу үчүн колдонулуучу эң жөнөкөй аспап. Ал өзгөчө желатиндик (даам-жыты жок тунук желим) катмардын түп нускасынын боёгун кабыл алып, аны кайра кыстырылып турган кагаз барактарына түшүрүү касиетине негизделген. Гектографтан түп нусканын 100гө чейинки көчүрмөсүн алууга болот. 1869-ж. Россияда М. И. Алисов ойлоп тапкан. Бүгүнкү күндө гектограф бир канча өндүрүмдүү ротатор, ротапринтер жана башка менен алмаштырылды.
Колдонулган адабияттар
түзөтүү- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4