Колумбит

Колумбит — кычкылдар классына кирүүчү минерал. Колумбит-танталит тобуна кирет. Бул топтун минералдары FeNB₂O₆ (таза колумбит) жана FeTa₂O₆—MnTa₂O₆ (таза танталит) сыяктуу изоморф катмарын түзөт. Курамында кошумча стронций, вольфрам, титан, цинк, сейрек жер элементтери жана чачыранды элементтер кездешет. Ромб системасында кристаллданат. Өңү-түсү кара, кара-күрөң кээде кызгылтым-күрөң. Металлдай жалтырайт. Көбү күңүрт келет. Катуулугу моостун шкаласы боюнча 6,0. С. Салмагы 5,2-7,9. Кварцтуу сиенитте, аляскитте, биотиттүү гранитте, пегматитте кездешет. Ниобий кенташы болуп саналат.

Колумбит.

Дагы караңыз

• Тантал

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9