87 a.C.n.

Annus 87 a.C.n. e serie paginarum brevium de annis.

Millennia:	millennium 2 a.C.n. · millennium 1 a.C.n. · millennium 1
Saecula:	saeculum 2 a.C.n. · saeculum 1 a.C.n. · saeculum 1
Anni:	(91 a.C.n.) · 90 a.C.n. · 89 a.C.n. · 88 a.C.n. · 87 a.C.n. · 86 a.C.n. · 85 a.C.n. · 84 a.C.n. · 83 a.C.n. · 82 a.C.n. · 81 a.C.n. · (80 a.C.n.)

Eventa

Adventu Syllae cum exercitu in Graeciam comperto Boeotia a Mithridate ad Romanos defecit. Imperator Romanus Athenas ubi hostes consederant obsidere incipit.

Eo anno magna dissensio inter consules erat : nam Cornelius Cinna partibus Gai Mari et praepollentiae novorum civium Italicorum in comitiis tributis favebat, Gnaeus Octavius contra iura veterum civium et leges Syllanas retinere volebat. Post varias pugnas Cinna in Campaniam fugit ubi legionem ad sese convertit. Interim senatus ei et consulatum et civitatem Romanam ademit. Porro Lucium Cornelium Merulam flaminem dialem in eius locum sufficiunt. Mox Marius in Italiam redit atque una cum Cornelio Cinna, Sertorio, Papirio Carbone Romam obsidet. Senatus omni spe destitutus legatos de pace ad eos misit : in civitatem Marium et Cinnam restituere coacti sunt, item Merulam e magistratu destituere et consulatum Cinnae reddere. Postquam in urbem introducti sunt Marii fautores cum consulis Gnaei Octavii tum et aliorum senatorum qui sibi adversabantur capitibus Rostra exornarunt.
Exeunte anno, omissis comitiis, consules in sequentem annum sese ipsi renuntiaverunt Gaius Marius septimum et Cornelius Cinna iterum.

Nati huius temporis desiderati (additis natis, hanc formulam remove)

Gnaeus Pompeius Strabo, vir consularis, pater Pompei Magni.
Gnaeus Octavius, consul.
Lucius Cornelius Merula, flamen dialis, sibi ipse mortem adscivit.
Marcus Antonius, vir consularis et clarus orator.
Lucius Iulius Caesar Strabo, homo consularis et censorius, una cum fratre minore Gaio poeta et pontifice.
Gaius Atilius Serranus, homo consularis.
Publius Licinius Crassus, vir consularis et censorius.
Quintus Lutatius Catulus, vir consularis.