Eduardus Hetzel Schafer

Eduardus Hetzel Schafer, libris suis Edward H. Schafer nominatus (Seattli natus die 23 Augusti 1913; Alamedae in California die 9 Februarii 1991 mortuus), fuit sinologus et interpres textuum. Praesertim de cultura materiali Sinarum sub familia Tang ac de coniunctionibus Sinarum cum regionibus exoticis quaerebat. Professor litterarum Sinensium apud universitatem Californiensem Berkeleiensem quinque et triginta annos meruit.

Seattli et Vancuverii educatus,^[1] adolescens cum parentibus Angelopolim petivit ubi, pecunia carens, septem annos apud tabernam cibariam laboravit, dum studia philologica privatim in bibliotheca publica Angelopolitana persecutus est. Denuo ab anno fere 1935 anthropologiae studuit apud universitates Californienses Angelopolitanam denuoque Berkeleiensem, ubi discipulus erat Alfredi Kroeber et Roberti Lowie.^[2] Gradum magistri in Universitate Havaiorum anno 1940 ascendit, dissertatione Persian Merchants in China During the T'ang Dynasty recepta. Doctoratum apud Harvardianos autumno 1941 petivit, sed mense Decembri, post impulsum Iaponensium in Portum Margaritarum, tamquam linguista in tabularium inquisitionum navalium convocatus est.

Bello peracto Berkeleiam reditus est ubi philosophiae doctor promotus est, Petri Boodberg discipulus, dissertationis gratia The Reign of Liu Ch'ang, Last Emperor of Southern Han; A Critical Translation of the Text of Wu Tai shih. Ibi linguas orientales docere coepit. Anno 1949 (sicut alii orientalistae Berkeleienses septemdecim) expulsus est ut qui iuramentum contra communismum, ab universitate postulatum, recusavisset.^[3] Post unum annum restitutus, professor anno 1958 factus est: professor titulo Agassiz rerum Sinensium anno 1969 promotus usque in annum 1984 fungebatur. Praeses Societatis Orientalis Americanae anno 1975/1976 electus est. Cancere iecoris affectus anno 1991 mortem obiit. Necrologia omnium prima in libellis Journal of Asian History divulgata vitam eius enarrat.^[4]

Qui eis annis de imperio familiae Tang quaerebant opus Eduardi Schaefer praeter alios aestimabant: illum enim mundum antiquum dilucide et scrupulosissime e litteris coaevis restituit, praesertim in serie librorum quinque anno 1963 incepta, anno (1977) perfecta. His enim operibus sub vario aspectu res Sinenses recensuit, textibus crebrissime citatis et pellucide Anglice versis: videlicet exotica occidentalia in The Golden Peaches of Samarkand, raritates regionis meridianae in The Vermilion Bird, longinqua Hainania insula in Shore of Pearls, deae femineae in The Divine Woman, scientia et mythologia stellarum in Pacing the Void.

Scripta potiora

Libri

1961 : Tu Wan's Stone Catalogue of Cloudy Forest: a commentary and synopsis. Berkeleiae: University of California Press
1963 : The Golden Peaches of Samarkand: a study of T'ang exotics. Berkeleiae: University of California Press Textus
1967 : The Vermilion Bird: T'ang images of the south. Berkeleiae: University of California Press Exemplar mutuabile
1967 : Ancient China (Great Ages of Man Series). Novi Eboraci: Time-Life Books
1970 : Shore of Pearls. Berkeleiae: University of California Press
1973 : The Divine Woman: dragon ladies and rain maidens in T'ang literature. Berkeleiae: University of California Press Exemplar mutuabile
1977 : Pacing the Void: T'ang approaches to the stars. Berkeleiae: University of California Press Exemplar mutuabile
1978 : Easy Readings in Tang Literature. Berkeleiae: U.C. Extension Media Center
1980 : Mao Shan in T'ang Times. Society for the Study of Chinese Religions. 2a ed.: 1989
1985 : Mirages on the Sea of Time: The Taoist Poetry of Ts'ao T'ang. Berkeleiae: University of California Press

Commentationes selectae

1948 : "Notes on a Chinese Word for Jasmine" in Journal of the American Oriental Society vol. 68 (1948) pp. 60-65
1948 : "Noun Classifiers in Classical Chinese" in Language vol. 24 (1948) pp. 408-413
1950 : "The Camel in China down to the Mongol Dynasty" in Sinologica vol. 2 (1950) pp. 165-194, 263-290
1951 : "Iranian Merchants in T'ang Dynasty Tales," in Semitic and Oriental Studies (University of California Publications in Semitic Philology vol. 11, 1951) pp. 403-422
1951 : "Ritual Exposure in Ancient China" in Harvard Journal of Asiatic Studies vol. 14 (1951) pp. 130-184
1952 : "Chinese Reign-names—Words or Nonsense Syllables?" in Wennil Papers vol. 3 (1952) pp. 33-40
1952 : 'The Pearl Fisheries of Ho-p'u" in Journal of the American Oriental Society vol. 72 (1952) pp. 155-168
1953 : "Li Kang: A Rhapsody on the Banyan Tree" in Oriens vol. 6 (1953) pp. 344-353 JSTOR
1954 : "Non-translation and Functional Translation: Two Sinological Maladies" in Far Eastern Quarterly vol. 13 (1954) pp. 251-260 Textus imperfectus
1954 : "The History of the Empire of Southern Han according to Chapter 65 of the Wu-tai-shih of Ou-yang Hsiu," in Silver Jubilee Volume of the Zinbun-Kagaku-Kenkyusyo, Kyoto University (Kyoto, 1954), 339-369
1955 : "Notes on Mica in Medieval China" in T'oung Pao vol. 43 (1955) pp. 265-286
1955 : "Orpiment and Realgar in Chinese Technology and Tradition" in Journal of the American Oriental Society vol. 75 (1955) pp. 73-89 JSTOR
1956 : "The Development of Bathing Customs in Ancient and Medieval China and the History of the Floriate Clear Palace" in Journal of the American Oriental Society vol. 76 (1956) pp. 57-82
1956 : "The Early History of Lead Pigments and Cosmetics in China" in T'oung Pao vol. 44 (1956) pp. 413-438 JSTOR
1957 : "Rosewood, dragon's blood, and lac" in Journal of the American Oriental Society vol. 77 (1957) pp. 129-136 JSTOR
1958 (cum B. E. Wallacker) : "Local tribute products of the T'ang dynasty" in Journal of Oriental Studies vol. 4 (1957/1958) pp. 213-248
1968 : "Hunting parks and animal enclosures in ancient China" in Journal of the economic and social history of the Orient vol. 11 (1968) pp. 318-343 jstor
1977 : "T'ang" in K. C. Chang, ed., Food in Chinese Culture (Novo Portu: Yale University Press, 1977) pp. 85-140
1978 : "The Transcendent Vitamin: Efflorescence of Lang-kan" in Chinese Science vol. 13 (1978) pp. 27-38 JSTOR
1981 : "Wu Yün's 'Cantos on Pacing the Void'" in Harvard Journal of Asiatic Studies vol. 41 (1981) pp. 377–415 JSTOR
1983 : "Wu Yün's Stanzas on 'Saunters in Sylphdom'" in Monumenta Serica vol. 35 (1981-1983) pp. 309-345 JSTOR
1987 : "The Dance of the Purple Culmen" in T'ang Studies vol. 5 (1987) pp. 45-68
1990 : "The Yeh chung chi" in T'oung Pao 2a ser. vol. 76 (1990) pp. 147-207 JSTOR
1991 : "What and How Is Sinology?" in T'ang Studies vol. 8/9 (1990/1991) pp. 23-44

Notae

↑ Kroll et Boodberg (1991)
↑ Cahill et al.
↑ Cahill et al.; "Edward H. Schafer; Professor Who Rejected Loyalty Oath" in Los Angeles Times (14 Februarii 1991)
↑ Honey (1991)

Bibliographia

"Edward Hetzel Schafer, 1913-1991" et "Bibliography of Edward H. Schafer" in T'ang Studies vol. 8/9 (1990/1991) pp. 3-22
David B. Honey, "Edward Hetzel Schafer (1913–1991)" in Journal of Asian History vol. 25 (1991) pp. 181–193 JSTOR
P. W. K., P. B., "Edward Hetzel Schafer (1913–1991)" in Journal of the American Oriental Society vol. 111 (1991) pp. 441-443 JSTOR

Nexus externi

"East Asian Studies" sub A Hundred Harvests: the history of Asian studies at Berkeley
James Cahill, Elizabeth Colson, Jeffrey Riegel, "Edward H. Schafer, Oriental Languages: Berkeley" apud Online Archive of California

[1] Kroll et Boodberg (1991)

[2] Cahill et al.

[3] Cahill et al.; "Edward H. Schafer; Professor Who Rejected Loyalty Oath" in Los Angeles Times (14 Februarii 1991)

[4] Honey (1991)

[1]

[2]

[3]

[4]