Syphilis
Syphilis[1][2][3][4] sive symphilis[2] sive siphilis[1] sive syphilismus[5] sive morbus Gallicus[1][2][5][4] sive morbus Italicus[5] sive morbus Neapolitanus[5] sive morbus Aphrodisius[5] sive malum Venereum[5] sive pudendagra[2][5] sive lues[4] sive lues Venerea[1][2][4] seu cacochymia Venerea[2][5] est gravis et crebrus morbus, cuius causa bacterium treponema pallidum est. Modus contaminis est paene semper actus sexualis, quamvis exempla syphilidis connatae existunt per contactum infantis cum vagina matris intra partum. Signa syphilidis sunt multa et ante coeptum probationis serologicae diagnosis definita fuit difficilis. Morbus vocatus est "imitator magnus", quod signa aliis morbis similia.
 |
Cave: notitiae huius paginae nec praescriptiones nec consilia medica sunt. |
Syphilis antibioticis sicut penicillino curari potest, exempli gratia iniectione intramusculari penicillini benzathini. Si non curatur syphilis potest affligere cor, aortam, cerebrum, oculos, ossa. Haec effectio fatalis esse potest. Anno 1998 series genetica tota Treponematis pallidi divulgata est, quae iuvat scientiam pathogenesis.
Alia nomina
recensereNomen "syphilis" ab Hieronymo Fracastorio in poemate suo Latine scripto creatum est. Id carmen vocatum est "syphilis sive morbus gallicus" et divulgatum est anno 1530. Protagonista poematis est pastor nominatus Syphilus.
Notae
recensere- ↑ 1.0 1.1 1.2 1.3 Castelli, B. & Bruno, J.P (1713). Lexicon medicum Graeco-Latinum. Lipsiae: F. Thomas
- ↑ 2.0 2.1 2.2 2.3 2.4 2.5 Kraus, L.A. (1844). Kritisch-etymologisches medicinisches Lexikon (ed. 3). Gottingae: Verlag der Deuerlich- und Dieterichschen Buchhandlung.
- ↑ Arnaudov, G.D. (1964). Terminologia medica polyglotta. Latinum-Bulgarski-Russkij-English-Français-Deutsch. Serdicae: Editio medicina et physcultura.
- ↑ 4.0 4.1 4.2 4.3 Everdingen, J.J.E. van, Eerenbeemt, A.M.M. van den (2012). Pinkhof Geneeskundig woordenboek (12de druk). Holtenii: Bohn Stafleu Van Loghum.
- ↑ 5.0 5.1 5.2 5.3 5.4 5.5 5.6 5.7 Siebenhaar, F.J. (1850). Terminologisches Wörterbuch der medicinischen Wissenschaften. (ed. 2). Lipsiae: Arnoldische Buchhandlung.
Bibliographia
recensere- Opera antiquiora
- 1533 : Petrus Andreas Matthiolus, Morbi Gallici novum ac utilissimum opusculum. Bononiae (Textus apud Google Books)
- 1535 : Nicolaus Leonicenus, Petrus Andreas Matthiolus et al. : Liber de morbo Gallico Textus
- 1536 : Petrus Andreas Matthiolus et al., Morbi Gallici curandi ratio. Basileae (Textus apud Google Books) Textus
- 1592 : Lucas Ghinius, "Morbi Neapolitani curandi ratio perbrevis" in Ioannes Marquardus, Practica theorica empirica morborum interiorum. Spirae Nemetum: apud Bernardum Albinum (pp. 349-384 apud Google Books)
- Eruditio
- Birgit Adam, Die Strafe der Venus. Eine Kulturgeschichte der Geschlechtskrankheiten. Orbis, 2001. ISBN 3-572-01268-6 (Theodisce)
- Jon Arrizabalaga, John Henderson, Roger French, The Great Pox: the French disease in Renaissance Europe. Novo Portu: Yale University Press, 1997. ISBN 0-300-06934-0 (Anglice)
- Linda Merians, ed., The Secret Malady: venereal disease in eighteenth-century Britain and France. Lexintoniae: University of Kentucky Press, 1996. ISBN 0-8131-1989-8 (Anglice)
Nexus interni
 |