Torsocia

Torsocia^[1] (Russice Торжок, tr. Toržok) est urbs regionis Tueriensis Russiae et sedes administrativa districtus Torsociensis. In ripis Tuertzae fluminis stat. Plus quam 46 milia incolarum (anno 2016) habens, sedes industriae et culturae est. Torsociae multa monumenta historica sunt.

Historia

Torsocia, cuius annus mentionis primae in chronicis est 1139, olim valens sedes mercaturae erat. Ad ducatum Novogardiensem Rutheniae pertinens, tempore invasionis Mongolo-Tatarorum (a Bato ductorum) a die 21 Februarii ad diem 5 Martii anno 1238 obsessa erat; quamvis urbs capta et deleta fuerat, motum copiarum invadentium ad Novogardiam Magnam prohibuit. Anno 1478, sicut et omnes terrae Novogardienses, Torsocia in Magnum Ducatum Moscoviae inclusa est et sedes administrativa districtus eius facta est. Anno 1609 pugna magna inter copias Russo-Suecicas et Polono-Lituanicas prope Torsociam accidit et urbs ipsa destructa est. Postquam Petropolis anno 1703 condita est, Torsocia facta est locus magni momenti in via inter Moscuam et Petropolim, quod urbi crescendae bene contribuit.

Incolae

Ephraemus Novotorgensis

Nota

↑ Ioannis Tomkae Szászky Introductio in orbis antiqui et hodierni geographiam, p. 415. Adiectivum Novotorgensis, — Ioannis Martinov Annus ecclesiasticus Graeco-Slavicus, Bruxellis 1863, p. 55. (Textus apud Google Books)

Nexus externi

Vicimedia Communia plura habent quae ad Torsociam spectant.

Situs geographici et historici: Locus: 57°2′0″N 34°58′0″E • GeoNames • Thesaurus Getty • Большая российская энциклопедия

Situs interretialis de Torsocia (Russice)

[1] Ioannis Tomkae Szászky Introductio in orbis antiqui et hodierni geographiam, p. 415. Adiectivum Novotorgensis, — Ioannis Martinov Annus ecclesiasticus Graeco-Slavicus, Bruxellis 1863, p. 55. (Textus apud Google Books)

[1]