Halifacium

Halifacium,^[1] vulgo Halifax, urbs Isuriae Occidentalis in Anglia, saeculo fere XII in forma vici ruralis condita, saeculis XVIII et XIX industriae textoriae gratia rapide aucta est.

Vide etiam paginam fere homonymam: Halifaxia.

Ecclesia paroecialis S. Ioanni Baptistae dicata, "monasterialis" ab anno 2009 nuncupata, magna parte ante annum 1438 confecta est. Ibi Gulielmus Herschel (qui planetam Uranum primus invenerit) anno fere 1765 organista meruit.

Saeptum textorium (Piece Hall, scil. "aula pannorum"), anno 1779 inceptum, designatore incognito, recentius in forum mercatorium conversum est. Curia municipalis, anno 1862 confecta, a Carolo Barry filioque Eduardo designata est. Macellum seu forum nundinarum (Borough Market scil. "mercatus burgensis"), anno 1896 constructum, designatoribus Iosepho et Ioanne Leeming, quotidie frequentatur.

Notae

↑ "Halifacium, Haliflex, Hortonium": J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3 ed. 1972 vol. 2 p. 205

Nexus externi

Borough Market ("mercatus burgensis")

Situs geographici et historici: Locus: 53°43′30″N 1°51′47″W • GeoNames • Vision of Britain • Store norske Lexikon

[1] "Halifacium, Haliflex, Hortonium": J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3 ed. 1972 vol. 2 p. 205

[1]