Insulae Ferdinandi Noronhae

Insulae Ferdinandi Noronhae^[1] (Lusitane Fernando de Noronha) sunt archipelagus in Oceano Atlantico prope litora Brasiliae. Circa 350 chm ab oris provinciae Pernambucensis distant.

Nomine Ferdinandi de Noronha, expeditionis, quae insulas anno 1501 vel 1502 invenerat, maecenatis, archipelagus nominatus est; Americus Vesputius huius expeditionis particeps fuit.

Insula principalis vel insula Ferdinandi Noronhae, aream 17 chm² habet; totius archipalegi area 26 chm² est. Circa 12 insulae et permulta saxa (praeter insulam principalem) partes archipelagi sunt. In insula principali 3108 incolae (anno 2009) habitant; ceterae insulae incolis carent.

Notae

↑ Iohannes Iacobus Hofmannus, Lexicon universale (1698) ~ sub verbo. Vel ...Ferdinandi Noronha, — M.A. Baudrand Lexicon geographicum, p. 383,

Nexus externi

Situs geographici et historici: Locus: 3°51′18″S 32°25′30″W • OpenStreetMap • GeoNames • Store norske Lexikon

[1] Iohannes Iacobus Hofmannus, Lexicon universale (1698) ~ sub verbo. Vel ...Ferdinandi Noronha, — M.A. Baudrand Lexicon geographicum, p. 383,

[1]