Octava (strophe)

Vide etiam paginam discretivam: Octava (discretiva).

Octava est stropha poesis recentioris octo versibus composita. Ordinem rimarum habet abababcc.

In poesi Italiana a saeculo XIV vulgata est, cum Ioannes Boccacius multum ea uteretur. Postea carminum epicorum solita facta est, nam et Rolandus furiosus Ariosti et Hierosolyma vindicata Tassi et Lusiadae Camonii octavis compositae sunt.

Octavae Italianae et Lusitanae plerumque hendecasyllabicae sunt; in litteris Anglicis vel Theodiscis vel Russicis octava epica iambo quinque pedum imitatur. Sic Dominus Ioannes Byronis vel Casa Columniana (Domik v Kolomne) Alexandri Puškin composita sunt.

Forma octavae vetustior est "octava Siciliana" quae binas rimas habet ordine abababab.

Nexus externi