Ophthalmologia

Ophthalmologia (e verbis Graecis ὀφθαλμός 'oculus' et λόγος 'verbum, disciplina') est disciplina medica, quae anatomiam et functionem oculi et visum tractat, morbisque oculorum necnon curationi eorum studet.

Oculus examinatur

Signum oculi rubri perturbationem indicat, hic glaucomatis formam periculosam

Oculorum vitia morbique

Perturbationes functionum oculorum in quavis parte systematis optici incipere possunt, creberrima sunt vitia refractionis (ametropiae, ut myopia, hyperopia, astigmatismus, presbyopia, anisometropia), coniunctivitis, keratitis, cataracta, glaucoma, praeterea morbi retinae et sacci lacrimalis. Symptomata sunt oculi dolor oculusque ruber.

Oculus siccus

Oculus siccus (notio medica ceratoconiunctivitis sicca) morbus superficei oculi est. Tunicae coniunctivae rubrae apparent, et oculi fatigatio et pruritus referuntur. Diagnosis per examinationem Schirmerianam fit.

Coniunctivitis, Ceratitis, Ceratoconiunctivitis

• Coniunctivitis inflammatio coniunctivae est.
• Ceratitis inflammatio corneae est.
• Ceratoconiunctivitis inflammatio et coniunctivae et corneae est.

Nexus interni

• Amblyopia
• Optometria
• Perspicillum
• Strabismus

Bibliographia

• Agarwal, R. K. 1965. Ancient Indian Ophthalmology. The Ophthalmic Optician 5(21): 1093-1100. Londinii: Association of Optometrists.
• Bidyadhar, N. K. 1939. Sushruta's Ophthalmic Operations.
• Duguid, Ian McIver, et Anne A. Berry. 1971. Ophthalmology. Londinii: English Universities Press. ISBN 0340052074 0340052066.

De Medicina