Pericope adulterae

Pericope adulterae est historia brevis de Iesu ad initium capitis VIII evangelii secundum Ioannem in aliquibus libris tam manuscriptis quam impressis legenda. Eadem historia in manuscriptis pluribus antiquioribus aut contextu alio reperitur aut omnino omittitur. Constat hanc historiam minime partem evangelii Ioannis ab origine constituisse. Res autem cum praedicatione Iesu ex evangeliis cognita bene consonat.

Christus et mulier in adulterio deprehensa: tabula a Petro Breugelio seniore picta, a Paulo Perret anno 1579 exarata (Museum Britannicum)

Christus et mulier in adulterio deprehensa: delineatio a Rembrando facta

Ex hac historia praeceptum Iesu, Latine Qui sine peccato est vestrum primus in illam lapidem mittat, Graece Ὁ ἀναμάρτητος ὑμῶν πρῶτος βαλέτω λίθον ἐπ' αὐτὴν, in proverbium conversum est.

Nexus externi

• Vulgata Stuttgartensis^{[nexus deficit]}
• Nova Vulgata