Phthas
| Phthas | ||||
|---|---|---|---|---|
| Nomen Aegyptium | ||||
| Hieroglyphica |
| |||
| Translitteratio | ptḥ | |||
Phthas,[1] sive Phtha (Aegyptie ptḥ, h.e. "fabricator") in religione Aegyptia est demiurgus, patronusque Memphis et fabrorum. Graeci et Romani eum cum Vulcano/Hephaesto[2], Phoenices cum Chusoro adsimulabant.
Cum sit Socaris etiam fabrilis deus, Phthas praesertim cum saxo et lapide sociabatur. Apis erat oraculum eius. Serius cum Socare et Osiride iunctus est in Phtha-Socare-Osiride. Aspectum chthonicum habebat sub nomine Tenen.
Uxor eius est Sachmis vel (rarius) Bubastis. Inter liberis eius erant Iphthimis, Miysis et Imuthes. Erant qui eum etiam Phram genuisse ferrent.
Depingitur in specie hominis medicati, sceptrum tenens cum hieroglyphis pro "vita" "potestate" et "stabilitate." Saepe pileolum gerit.
Verbum Aegyptus originem habet a ḥw.t-kɜ-ptḥ "Templum Animae Phthae," quod erat nomen templo Memphiti.
Notae
recensere- ↑ Cicero, De natura deorum 3.55: "secundus [Vulcanus] Nilo natus, Phthas ut Aegyptii appellant, quem custodem esse Aegypti volunt". Sic in editione Loeb anni 1951; in aliis autem editionibus legitur "Opas", e.g. in editione W. Ax anni 1933.
- ↑ Herodotus, Euterpia 3. Diodorus Siculus, libro primo Bibliothecae Historicae 13.3-4, 22.2, 57.5-8, 97.6 etc.