Polyneuropathia

Polyneuropathia collectivum morborum neurologicorum continet quodque malo vel morbo damnum plus quam unum nervorum periphericorum^[1].

Cave: notitiae huius paginae nec praescriptiones nec consilia medica sunt.

In aegrotis polyneuropathiae sensationes falsae (dysaesthesiis, paraesthesiis) se praebent. De consuetudine primo eae in peripheriae membrorum (imprimis inferiorum pedibus) sese offerunt.

Variae aetiologiae descriptae sunt. Polyneuropathiae vel innatae atque inflammatoriis vel immunologicis causis oriri queant. Non raro alcoholismus vel diabetes mellitus implicari possunt.

Etymologia

Verbum polyneuropathiae ex verbis poly- (de Graeco πολύς, multis), -neuro- (de νεῦρον, nervis), et -pathia (de πάθος, damno), compositum est.

Natura polyneuropathiarum generalis

Polyneuropathia, generaliter dictum, est malum plurium nervorum periphericorum propter malum antecendente tum loco tum alibi.

Epidemiologia

Praevalentia polyneuropathiae 1%, senescentia 7%, aestimatur^[2].

Symptomata medica

Polyneuropathiae symptomata ad reflexus, ad motus, ad sensorium, ad nervos craniales, ad systema nervosum autonomicum spectant. Reflexuum amplitudo aut deminuta (hyporeflexia) aut carens (areflexia) apparere potest. Motuum imbecillitas pareses observari potest. Gradatim reductio sensationum tactus narratur, denique imbecillitatum nervorum cranialium. Saepe initio neglecti, at symptomata graviora generans, sunt effecti systematis nervosi autonomici.

Classificationes

Hodie polyneuropathiae ob aetiologiam, rationes electrophysiologicas, vel aspectus clinicos classificantur. Distributioni ob aetiologiam momentum maximum est. Eo ratione polyneuropathiae in greges maiores distinguuntur:

Polyneuropathiae aetiologiis inflammatoriis, immunologicis, contagionibus causa

Inflammatio causa polyneuropathiarum effectibus autoimmunitatis (immunopathiis), contagione viris vel bacteriis, velut reactionibus allergicis observatur.

Polyneuropathiae aetiologiis vascularibus causa

Polyneuropathiae aetiologia vasculari saepe cum genu vasculitidis coniunctae sunt.

Polyneuropathiae aetiologiis toxicis causa (exotoxicae)

Polyneuropathiae haec exotoxicae dicuntur. Et medicamenta et substantiae venenatae polyneuropathias exotoxicas efficere queant^[3].

Polyneuropathiae aetiologiis endocrineis, metabolicis, neoplasticis, infiltrativis, hereditariis causa (endotoxicae et metabolicae)

Grex polyneuropathiarum endotoxicarum et metabolicarum item in genera diversa segregari potest, ut secundum morbos metabolicos, endocrinopathias, fames, syndromata neoplastica, paraproteinaemias, res infiltrativas, hereditarias.

Consideratio commumationum morphologicorum pathologicorum

Consideranda sunt axonopathiae, myelinopathiae, neuronopathiae, vasculopathiae, res infiltrativae.

Notae

↑ Patient.info: de polyneuropathiis. (Anglice)
↑ Hanewinckel R., Van Oijen M., Ikram M. A., Van Doorn P. A. (Ian 2016). "The epidemiology and risk factors of chronic polyneuropathy". European journal of epidemiology 31 (1): 5-20
↑ LoPachin R. M., Gavin T. (Iun 2015). "Toxic neuropathies: Mechanistic insights based on a chemical perspective". Neuroscience letters 596: 78-83

Nexus interni

Nexus externi

Said G. de neuropathiis et pathophysiologia earum. (Anglice)

[1] Patient.info: de polyneuropathiis. (Anglice)

[2] Hanewinckel R., Van Oijen M., Ikram M. A., Van Doorn P. A. (Ian 2016). "The epidemiology and risk factors of chronic polyneuropathy". European journal of epidemiology 31 (1): 5-20

[3] LoPachin R. M., Gavin T. (Iun 2015). "Toxic neuropathies: Mechanistic insights based on a chemical perspective". Neuroscience letters 596: 78-83

[1]

[2]

[3]