Tosorthros

Tosorthros (a Manethone), vel Sesorthos (ab Eusebio), fuit pharao Aegyptius domus tertiae per Regnum Vetus et saeculi conditor. Filius fuit Khasekhemwy regis et Nimaathap reginae, sed num etiam successor rectus esset iam incertum est. Plurimi regum indices perscribunt Nebka, regem ante eum, sed quia nomen cum aequaevis nominibus Hori incerte conectitur, nonnulli Aegyptologi acceptum rectorum ordinem dubitant.

Calcaria Tosorthros statua ex eius serdab.

Pyramis graduum Tosorthri ad Saqqara Aegypti.

Torthros ad celebrationem Heb-Sed currit. 'Toreuma e pinacothecis subterraneis.

Pyramis graduum et columnae calcis.

Occidentale necropolis Tosorthri columnarium.

Nomen circumdatum ...djeser-sah in regum indice apud Abydos.

Eius statua, calcaria et picta, nunc in Museo Aegyptio Cairi conservata, veterrima est Aegyptia magnitudinis vivae statua nota. Hodie in necropoli apud Saqqaram, ubi inventa est, exemplar tectorii statuae in loco archetypi stat. Statua inventa est per excavationes a Ministerio Antiquitatum annorum 1924 et 1925 effectas. Tosorthros in inscriptionibus suae aetatis Netjerikhet appellatur, 'corpus divinitatis' significans. Fontes autem posteriores, qui mentionem eius constructionis tempore Regni Novi comprehendunt, Netjerikhet et Tosorthrum eundem hominem esse confirmant.

Cum Manetho Necherophes, et index Augustae Taurinorum Nebka, primum domus tertiae rectorem nominent, multi Aegyptologi nunc censent Tosorthrum fuisse primum huius domus regem, ordinem dicentes quo nonnulli Cheopis antecessores in Papyro Westcar commemorati sunt, significare Nebka inter Tosorthrum et Huni, non ante Tosorthrum, poni. Nihilominus, Tobias Wilkinson, Aegyptologus Anglicus, monstravit sigilla funerea ad aditum sepulcri Khasekhemwy prope Abydos reperta solum Tosorthrum, non Nebka, nominant. Quod coniecturam sustinet Tosorthrum fuisse qui sepelivit et ergo recte successit Khasekhemwy, non Nebka.

Nexus interni

• Imuthes
• Inetkaes
• Magna Sphinx Gizensis

Bibliographia

• Adès, Harry. 2007. A Traveller's History of Egypt. Interlink Books. ISBN 1566566541.
• Atiya, Farid. 2006. Ancient Egypt. Cairi: American University in Cairo Press. ISBN 9771736345.
• Baker, Rosalie, et Charles Baker. 2001. Ancient Egyptians: People of the Pyramids. Oxoniae: Oxford University Press. ISBN 0195122216.
• Bard, Kathryn. 2015. An Introduction to the Archaeology of Ancient Egypt. Ed. 2a. John Wiley & Sons. ISBN 1118896114.
• Berrett, LaMar C. 1996. Discovering the World of the Bible. Cedar Fort. ISBN 9780910523523.
• Brock, Lyla Pinch. 2003. Egyptology at the Dawn of the Twenty-first Century: Proceedings of the Eighth International Congress of Egyptologists. Vol. 2. American University in Cairo Press. ISBN 9774247140.
• Bunson, Margaret. 2014. Encyclopaedia of Ancient Egypt. Infobase Publishing. ISBN 1438109970.
• Dieter, Arnold. 2005. Temples of Ancient Egypt. I. B.Tauris. ISBN 1850439451.
• Dodson, Aiden, et Dyan Hilton. 2004. The Complete Royal Families of Ancient Egypt. Londinii: Thames & Hudson. ISBN 0500051283.
• Edwards, Iorwerth Eiddon Stephen, Cyril John Gadd, Nicholas Hammond, et Geoffrey Lampiere. 1971. The Cambridge Ancient History. Ed. 3a. Cantabrigiae: Cambridge University Press. ISBN 0521077915.
• El-Shahawy, Abeer, et Mathaf Al-Masri. 2005. The Egyptian Museum in Cairo. Cairi: American University in Cairo Press. ISBN 9771721836.
• Fletcher, Joann. 2015. The Story of Egypt. Hachette UK. ISBN 144478515X.
• Kleiner, Fred, et Christin Mamiya. 2009. Gardner's Art through the Ages: A Global History. Cengage Learning. ISBN 0495410586.
• Kleiner, Fred. 2015). Gardner's Art through The Ages: A Global History. Cengage Learning. ISBN 1305544846.
• Mieroop, Marc van der. 2010. A History of Ancient Egypt. John Wiley & Sons. ISBN 1405160705.
• Pirelli, Rosanna. 1999. Statue of Djoser. In The Treasures of the Egyptian Museum, ed. Francesco Tiradritti, 47. Cairi: American University in Cairo Press.
• Rice, Michael. 1999. Who's Who in Ancient Egypt. Psychology Press. ISBN 0415154480.
• Romer, John. 2007. The Great Pyramid: Ancient Egypt Revisited. Cantabrigiae: Cambridge University Press. ISBN 0521871662.
• Wilkinson, Toby. 2000. Royal Annals of Ancient Egypt: The Palermo Stone and Its Associated Fragments. Londinii: Kegan Paul International. ISBN 0710306679.
• Wilkinson, Toby. 2001. Early Dynastic Egypt. Londinii: Routledge. ISBN 0415260116.

Nexus externi

Vicimedia Communia plura habent quae ad Tosorthrum spectant.

• Biographia Tosorthri.