Vector (epidemiologia)
Vector in epidemiologia est (homo, animal, microorganismus) qui pathogenum contagiosum fert et in alium organismum vivum transmittit.[1][2][3]
Arthropoda
recensere
Arthropoda sunt maior grex vectorum morborum: culicidae, tabanidae, phlebotominae, phthiraptera, siphonaptera, ixodidis, et acari permagna morborum genera transmittunt. Multi tales vectores sunt haematophagi, qui sanguine nonnullis vel omnibus aetatum partibus vescuntur. Dum haec insecta sanguine vescuntur, parasita apparatum circulatorium eius hostis intrat. Quod nonnullis modis fieri potest. Culex Anopheles, vector malariae, filariasis, et variorum arbovirorum, eius subtiles faucis partes cutem penetrans, sanguine eius hostis vescitur. Parasitae quas culex portant plerumque in eius glandulis salivariis sitae sunt (a culicibus adhibitis ad hostem anaesthesizandum). Ergo, parasitae in circulatorium hostis apparatum recte transmittuntur. Diptera qui lacunis sanguineis vescuntur, sicut phlebotominae et simuliidae, vectores leishmanisasi et onchocerciasi proprie, spatium in cute hostis manducant, parvam sanguinis lacunam facientes, ex quo vescuntur; unde parasitae generis Leishmaniae hostem per salivam inficiunt. Onchocercae, nematoda familiae Onchocercidarum, se ex capite insecti in lacunam sanguinis extrudunt. Hemiptera subfamiliae Triatominarum speciem Trypanosoma cruzi transmittunt, quod morbum Chagasianum efficit. Haec insecta vescentia defaecant, et excrementum parasitas continet quae in vulnere aperto ab hoste, dolori et irritationi morsus respondente, casu oblinuntur.
Inter exempla morborum zoonoticorum a vectoribus transmissa sunt febris dengue, morbus lymensis, pestis, et virus Nili Occidentalis.[4] Multae res casus morborum a vectoribus transmissorum afficiunt, inter quas sunt animalia morbum portantia, vectores, et homines.[4]
Notae
recensere- ↑ "Vector". WordNet Search 3.1. Princeton University.
- ↑ Last, James, ed. (2001). A Dictionary of Epidemiology. Novi Eboraci: Oxford University Press. p. 185. ISBN 9780195141696.
- ↑ Roberts, Janovy, et Schmidt 2008.
- ↑ 4.0 4.1 University of California - Santa Cruz (30 Novembris 2012). "Emerging vector-borne diseases create new public health challenges". Rockville Terrae Mariae.
Bibliographia
recensere- The Health and Environment Linkages Initiative. Malaria control: the power of integrated action. Genavae: World Health Organization.
- Pawan, J. L. 1936. Transmission of the Paralytic Rabies in Trinidad of the Vampire Bat: Desmodus rotundus murinus Wagner, 1840. Annual Tropical Medicine and Parasitol 30: 137–56.
- Pawan, J. L. 1936. Rabies in the Vampire Bat of Trinidad with Special Reference to the Clinical Course and the Latency of Infection. Annals of Tropical Medicine and Parasitology 30 (4).
- Quammen, David. 2013. Planet of the Ape; "Between Man and Beast," by Monte Reel/ The New York Times, 4 Aprilis.
- Roberts, Larry S., John Janovy, et Gerald D. Schmidt. 2008. Foundations of Parasitology. Novi Eboraci: McGraw Hill. OCLC 226356765. ISBN 9780073028279.
- Vaccine News Daily. Vector-borne diseases. Sicagi: Vaccine News Daily.
- World Health Organization. Better environmental management for control of dengue. The Health and Environment Linkages Initiative. Genevae: World Health Organization.
- World Health Organization. Healthy Environments for Children Alliance. Issue Brief Series: Vector-borne Diseases. Genavae: World Health Organization. PDF.
Nexus interni
Nexus externi
recensere
|
Vicimedia Communia plura habent quae ad vectores morborum spectant. |