Lima
La Sivdad de Lima es la kapitala i la sivdad mas grande de Peru. Fue fondada enel anyo 1535 por Fransisko Pizarro, aktualmente es una de las aglomerasyones urbanas ma grandes del Kontinente Amerikano i de Sudamerika. Lima, endemas hue la antika kapital del Virreynato del Peru durante el dominio espanyol en la sivdad, por eyo ay ayi, numerosas fraguas del arte barroko.
Este artikolo o seksion nesesita referensias ke apareskan en una puvlikasion soportada.
Puedesh, akresentar o enkomendar al autor prinsipalo en la su hoja de diskusion. Mientres tanto, no kites este avizo.
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
| ||||||||||||||||||||||||
Etimolojia
trocarEl nombre de Lima proviene del biervo kichwa; Rimaq, nombre de un rio ke abasha de la serralada ke topa en los Andes.
Istoria
trocarAnke la istoria de la sivdad de Lima komenso kon la su fundasión espanyola en 1535, el territorio konformado por los vayes de los ríos Rímac, Chillón i Lurín estava okupado por asentamientos preinkaikos, los kualos estavan agrupados basho el sinyorío de Ichma.[1] La kultura Maranga i la kultura Lima hueron las ke se afinkaron i forjaron una identidad en estos territorios.[2] Durante esas anyadas se fraguaron los santuarios de Lati (actual Puruchuco) i Pachacámac (el pensipal santuario de peregrinasión duranteel tiempo de los inkos).[3]
Ekonomia
trocar
La Sivdad de Lima es uno de los prinsipalos sentros finansieros del paiz, en la kapitala peruviana konsentra las ofisinas del su Banko Nasionalo del Peru i una koneksion kon munchas sivdades del mundo por via ayrea. La Via ekspresa es la vialidad mas importante de la sivdad, ayi ay kulas o raskasyelos bankarios i de las institusiones ma importantes del paiz, el komersio esta muncho akresentado i konsentra la aktividad de la rejion sentrala del paiz.
Santa Ysidro i Miraflores zon de los sus muevos sentros finansieros, las ofisinas sentralas de munchas firmas internasyonales estan ayí. Tambien ay industria en las sus zonas obreras o populares, ma kaji toda es afinkada en la Zona Metropolitana.
Ansina, el kresimiento demografiko a kriado desigualdades ekonomikas entre los avitantes de la sivdad.
Turizmo
trocar
Lima es el prinsipal punto ande se ajamba al paiz,ay aki un desvelopamiento emportante industria del turizmo, entre las ke afaman el su sentro istóriko, sus sitios arkeolójikos, su vida nochera, los muzeos, las galerías de arte, las festividades i las tradisiones populares. Aktualmente Lima viene komandando el indise de sivdades a nivel de Latinoamérica y se topa en el lugar 20 global, kon 5 110 000 visitantes en el anyo 2014.[4][5]
El Sentro Istoriko de Lima es uno de los lugares mas visitados de la sivdad, aki hue ande se fundo la kapitala del Virreynato del Peru, uno de los puntos emportantes ande topa la djente, es la Plasa Mayor. El sentro istórico komprende parte de los distritos de Lima i Rímac, hue declarado Erensia de la Umanitad por la Unesco en 1988 debido a la emportansia ke tuvo la sivdad durante el Virreynato del Peru, ayi se topa komo testimonio una grande kantidad de espasios arkitektonikos o antikas fraguas kolonialas.[6] Destacan la Basílica i Convento de San Francisco, la Plasa Mayor, la Katedral de Lima, la Basílika i konvento de Santo Domingo, el Palasio de Torre Tagle, entre otros. El recorrido por las kilisias de la sivdad es muy popular entre los turiztas. En un chiko recorrido por el sentro de la sivdad podemos topad munchas fraguas antikas, varias de las kualas datan de los sieklos XVI i XVII.
Akodros
trocarSivdades ermanas
trocarLa Sivdad de Lima es ermanada kon las sigientes sivdades:
Ver endemas
trocarReferensias
trocar- ↑ Xablón:Harvsp
- ↑ Xablón:Harvsp
- ↑ Xablón:Harvsp
- ↑ Newsroom.mastercard.com (ed.): «2014 Global Destination Cities Index» (PDF) pág. 5 (2014). Consultado el 3 de junio de 2015.
- ↑ Gestion.pe (ed.): «Lima será la ciudad de América Latina más visitada por extranjeros en el 2015» (2015). Consultado el 3 de junio de 2015.
- ↑ Organización de las Naciones Unidas para la Edukasión, la Sensia i la Kultura (ed.): «Historic Centre of Lima» (en inglés). Consultado el 27 de abril de 2011.
