Texas

(i) 31° 0′ 0″ N, 100° 0′ 0″ O / 31, -100

Texas es un estado de los Estados Unidos, la su kapitala es Austin. Keda el estado al sudoeste del paiz, topa kon el estado del Muevo Meksiko al oeste, al este topa kon el estado de Luisiana, al norte kon Oklahoma, al nordeste kon el estado de Arkansas i al sud topa kon Meksiko (estados de Chihuahua, Coahuila, Muevo Leon i Tamaulipas).

State of Teksas
יסטאדו די טיקסאס
Estado de Teksas


Bandyera	Eskudo

Paiz:	Estados Unidos
Entidad:	Estado
Kapitala:	Austin
Mayor sivdad:	Dallas
Linguas ofisialas:	Inglez, kastilyano.
Forma de governo:	Estado federal
Shefe de governo:	Greg Abbott
Ekstension:	696 241 km²
Povlasion:	29 145 505
·Densidad:	4.2 ab/km²
Djentilisio:	Texano
Uzo orario:	UTC−6
Kodigo ISO:	US-TX
Hoja web:	https://texas.gov

El estado es mentado tambien komo el estado dela Estreya Solitaria, hue endemas un territorio ke se unio a los Estados Unidos, logrando la su independensia del Meksiko.

Etimolojia

Se kreye ke el nombre proviene del biervo cabdo Teshas o tejas, ke sinyifika aliado o amigo, asegun es una palavra ke eskucharon los espanyoles.

Istorya

El Alamo.

Bandyeras ke tuvieron soberania sobre el aktual territorio texano.

El territorio de Texas hue primero afinkado por ombres aborijinalos ke kruzaron del norte azia el sud i desharon objetos dela su presensia en diversos sitios.

El eksplorador espanyol Álvar Núñez Cabeza de Vaca hue el primero evropeo ke paso por el territorio texano el 6 de noviembre de 1528. Juan de Oñate hue el sigundo eksplorador de eksploro Texas, en ese antonses era mentado komo Mueva Filipinas, nombre ke no kedo muncho tiempo. Los espanyoles voltaran a mediados del sieklo XVIII, i fundan varias misiones, entre eyas San Antonio, i el territorio es yamado Texas en onra a los indijenas Texas. Endemas se establesen varios presidios i huertes militares.

Los fransezos, ke se avian afinkado a las beiras del rio Mississippi, eksploran la beira de Texas, y yegan a lo ke oy endya es Corpus Christi, en denantes baia del Espíritu Santo, e intentan afinkar una kolonia, ma no lograrono por las reveliones indijenas i el mal tiempo.

Jeografia

El territorio texano komparte frontiera internasionala kon Meksiko al sud, propiamente los estados de Tamaulipas, Muevo Leon, Coahuila i Chihuahua, i al norte topa kon Oklahoma, al este kon Luisiana, al oeste kon Muevo Meksiko i al noreste kon Arkansas, enlos Estados Unidos. El estado es apartajado en kondados, la kapitala es Austin. Es el estado mas mayor delos Estados Unidos kontinentalos.

El estado de Texas se topa en las koordenadas jeografikas del meridiano de Greenwich latitud norte 25º 00' 00 minima, 36º 00' 00 maksima, longitud oeste 93º 00' 00 minima, 106º 00' 00 maksima. En el Oseano Atlantiko keda el Golfo de Meksiko ande ay dos grandes izlas, izla Galveston, i tambyen al sud keda la izla del Padre.

Klima

El klima es variado en el estado de Texas, alkunos lugares la temperatura es alta i kalorosa, en otros lugares la temperatura es basha kon nevika en el inverno.