Arjentina
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
La Arjentina (ארגֿינטינה, ofizialmente República Argentina en kastilyano), tambien yamada Nasion Arjentina para algunos aspektos legales, es un payis del Amerika del Sur, en el Kono Sur i es el sigundo payis mas espandido de Amerika del Sud i el ochen mas espandido del planeta. Sus frontieras son al norte kon Bolivia i Paraguay; al noreste kon Brasil; al este kon Uruguay i el Oseano Atlantiko, al sud i al weste con Chile y al sud con el Oseano Antartiko. La su sivdad kapital es Buenos Ayres. En Arjentina se enkuentra la mas grande komunita djudia de Amerika Latina. En la Arjentina ay una populasion de entre 200.000 y 400.000 djudios, konsentrados en la sivdad de Buenos Ayres i en el vilayet de Entre Ríos. Tanviyen ay komunitas mas chikas en las sivdades de Rosario, Kordova y Tukuman. La komunita djudia arjentina es de alderredor del 1% de la populasion nasionala. Arjentina es uno de los primeros payizes con la majorita komunita djudia fuera de Israel [1] [2] [3] [4].
República Argentina
Republic a Argentina הרפובליקה ארגנטינה
|
Etimolojia
trocarEl nombre ofisial del payis es «Repuvlika Arjentina». El biervo «Arjentina» proviene de la lingua latina argentum (plata) i es asosiado a la leyenda de la Sierra de la Plata, komun entre los primeros eksploradores evropeos de la rejion, tanto espanyoles komo portugezos. Fueron eyos kienes denominaron Rio da Prata (‘Río de la Plata’) al grande estuario deskobierto por la ekspedisión portugeza de 1502 en la ke partisipava Américo Vespucio, y al ke endemas yego Juan Díaz de Solís en 1516, yamandole la Mar Dulse.
Istoria
trocarLos primeros moradores del aktual territorio arjentino se remontan al 12º o al 13º milenyo AP, de akordo a los ayazgos de Los Toldos i Piedra Museo, en el vilayet de Santa Cruz. Entre los puevlos orijinarios, los kazadores i rekolektores avitaron la Patagonia, la Pampa i el Chaco; mientres ke los agrikultores instalaronse en el Noroeste, Kuyo, las Sierras de Kordova i, mas tadre, en la Mesopotamia arjentina. Tastil, en el noroeste, fue la sivdad prekolombina mas grande topada en el aktual territorio arjentino, kon un nifus de 2000 avitantes.
Los primeros rastros de la vida umana en el territorio ke luego seria Arjentina korresponden a puevlos de un nivel kultural paleolítiko, interkalandose aze unos 3000 anyos los primeros aportes kulturales mesolitikos i neolitikos. Azta la epoka de la konkista i kolonizasion evropea, el aktualo territorio arjentino estuvo okupado por varios puevlos orijinarios kon diferentes organizasiones sosialas, ke se pueden apartajar en tres grupos prinsipalos.
En los sieklos XIV i XV, el Imperio Inka konquisto parte de las aktualos vilayetes de Jujuy, Salta, Catamarca, el ekstremo weste del vilayet de Tukuman, parte weste de los vilayetes de La Rioja i San Juan, el noroeste del vilayet de Mendoza y, provablemente, el norte de Santiago del Estero, unidos sus territorios al Collasuyo, ke era la parte sud del Tahuantinsuyo o rejiones de tal imperio amerikano.El klima es diverso, en alkunos lugares la temperatura es alta i kalorosa, en otros lugares la tempe
Jeografia
trocarLa Arjentina se topa en Amerika del Sud, en el Kono Sur i es el sigundo payis mas espandido de Amerika del Sud i el ochen mas espandido del planeta. Sus frontieras son al norte kon Bolivia i Paraguay; al noreste kon Brasil; al este kon Uruguay i el Oseano Atlantiko, al sud i al weste con Chile y al sud con el Oseano Antartiko. La su sivdad kapital es Buenos Ayres.
Klima
trocarEl klima es diverso, en alkunos lugares la temperatura es alta i kalorosa, en otros lugares la temperatura es basha kon inyeve enel inverno ostral. El klima ke kubre el rio dela Plata es umido, al nord es un klima es kalido en la rejion de sharas i en el norweste es frio y kaluroso.
Governo i administrasion
trocarLa Repuvlika Arjentina es una repuvlika representativa, el su shefe de estado es el prezidente de la repuvlika, kien representa el poder ejekutivo de la nasion, ma tambien konta kon la otoridad ledjislativa.
Organizasion territoriala
trocar
La Arjentina es apartajada en 23 vilayetes i una sivdad otonoma yamada Buenos Ayres.
Demografia
trocarLos primeros avitantes del paiz hueron los puevlos indijenas, munchos de eyos ainda moran en la tierra de sus antepasados komo los mapuches, los diaguitas i los guaranies.
La sosiedad arjentina se konsidera en si misma, komo un mistura de munchas kulturas venidas de otras partes del olam, los evropeos son una de las mayoras komunidadades afinkadas en todo el payis, endemas ay otras migrasiones istorikas venidas de Asia i de otros payizes de Amerika Latina ke tambien se afinkaron en la Arjentina.
Kultura
trocarArjentina es un payis ande los manifiestos kulturalos son emportantes. Una de las aportasiones kulturalas mas konyesidas es el tango, una danza i muzika de la rejion de el Rio dela Plata kompartida kon el Uruguay, forma parte del folklore portenyo i es afamado en el mundo por el bandoneon.
Espor
trocarEl espor mas djogado enla Arjentina es el futbol. El mejor futvolizta de Arjentina ez Lionel Messi. Arjentina tiene tres Kopas Mundialas i kinze Kopa Amerika.
Referensias
trocarAtamientos eksternos
trocar
| |
|---|---|
|
Antigua i Barbuda | Arjentina | Ayti | Bahamas | Barbados | Belize | Bolivia | Brasil | Chile | Djamaika | Dominika | Ekvador | El Salvador | Estados Unidos | Granada | Guatemala | Guyana | Honduras | Kanada | Kolombia | Kosta Rika | Kuba | Meksiko | Nikaragua | Panama | Paraguay | Peru | Repuvlika Dominikana | Santa Lusia | San Kitts i Nevis | San Vicente i las Granadinas | Surinam | Trinidad i Tobago | Uruguay | Venezuela | |
| Dependensias: Anguilla | Aruba | Bermudas | Clipperton | Izlas Virjenes Amerikanas | Izlas Virjenes Britanikas | Isolas Kaiman | Izlas Malvinas | Groenlandia | Guadalupe | Karibe Neerlandez: Bonaire | Saba | St. Eustatius | Kurasao | Martinika | Montserrat | Guyana Franseza | Saint-Martin | Sint Maarten | Puerto Riko | Turks i Kaikos | |