Bizansyo
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Bizans (en lingua grega antika Βυζάντιον, Byzàntion; en lingua latina Byzantium) era una sivdad grega, kapitala de Trasya, ala entrada del Bosfor, enriva de una parte de la oy endiya sivdad de Estambol i la kuala apartiene un lugar espesial en la istorya desde la su fondasion.
Kolonia grega desde la antikita, fue re-fondada por el emperador Konstantinos I el Mogdon en 330, i el su nombre trokado a Konstantinopoli; fue la kapitala i sentro prinsipal de la kultura klasika del Imperio Romano de Oryente o Imperio Bizantino. Oy endiya, aze parte de la sivdad turka de Estambol.
Entre los syeklos V al XV, la sivdad gerreyo kon reushita en kontro de todos los atakos de sus enemigos, fina el 29 de Mayo de 1453, kuando los Osmanis la konkistaron i kon eyo amataron la sivdad greko-romana-bizantina i yego el empesijo de la sivdad otomana, yamada Estambol.
La sivdad se topava en un lugar emportante, ande puedia azer kontrolo de las naves entre Evropa Oryentala, Asya Menor, Ayifto, Afrika del Nord, los Balkanes i la mar Ejea. Asigun Polibius, por tyerra no se topava kolay para defender, ma por la mar tenia el kontrolo de la entrada al Pontus, por lo kualo dinguna nave puedia pasar sin la su askeptasyon.
Atamientos eksternos
trocar- Erytheia. Revista de estudios bizantinos y neogriegos (en lingua kastilyana)
- Byzance : colonie grecque et cité romaine por Stéphane Yerasimos, Profesor de la Universidad París VIII-Saint-Denis. (en lingua fransesa)