Kosmodrom Svobodny
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
El Kosmodrom Svobodny (lingua rusa: Космодром «Свободный») es un porto espasial ruso uzada desde 1996 i ke se topa enel Oblast de Amur (Siberya).[1]
Orijinalmente fraguado komo un poligon de lansamyento de roketas interkontinentalas, ma diskues de ke la URSS yego ala su fin, Rusia dechidio uzarlo en trokamiento del Kosmodrom de Baikonur, el kualo kedo en Kazakistan. Ma afilu el trokamiento no yego a ser kompleto deke tenian menester de mas paras. Oy endiya, es uzado para lansar roketas espasialas del tipo Start dezvelopadas por el MITT bazado en desinyos de roketas de gerra.[2]
Enel anyo 2005, diskues de alugar muevamente a Baikonur por parte de la Adjensia Espasiala Rusa, esta dechidio ke no tenia menester de un segundo porto espasial i akodro la serradura de Sovobodny, ma ainda es uzado para lansar alkuna ke otra roketa, komo la ke yevo al satelit EROS yisraeliano en 2006. Enel anyo 2007, la AEFR dechidio ke Svobodny iva estar integrado al proksimo Komplekso Vostochny.[3]