2011

◄ | 20. Joerhonnert | 21. Joerhonnert    
◄◄ | ◄ | 2007 | 2008 | 2009 | 2010 | 2011 | 2012 | 2013 | 2014 | 2015 | ► | ►►

Dës Säit befaasst sech mam Joer 2011.

Callicot fir d'Aféiere vum Euro an Estland ze begréissen.

D'Joer 2011 huet op engem Samschdeg ugefaangen.

Evenementer

Europa

• 01. Januar: Estland trëtt der Eurozon bäi a féiert den Euro an.
• 23. Januar: Den Anibal Cavaco Silva gëtt schonn am éischten Tour vun de Presidentschaftswalen a Portugal erëmgewielt.
• 25. Februar: D'virgezunne Parlamentswalen an Irland gi vun der Oppositiounspartei Fine Gael ënner dem Enda Kenny gewonnen.
• 06. Mäerz: Bei de Parlamentswalen an Estland ginn d'Koalitiounsparteie vum Premier Andrus Ansip senger Reformpartei an der Pro Patria a Res Republica Unioun vun de Wieler an hirem Amt confirméiert.
• 03. Abrëll: An Andorra gewannen d'Demòcrates per Andorra, déi an der Oppositioun waren, mat absolutter Majoritéit déi virgezunne Parlamentswalen; de Antoni Martí gëtt den 11. Mee zum Premierminister ernannt.
• 17. Abrëll: Bei de Parlamentswalen a Finnland kritt d'National Sammlungspartei vum Finanzminister Jyrki Katainen déi meescht Stëmmen, knapps virun den europaskepteschen a rietspopulistesche "Stackfinnen". D'Sozialdemokraten, bis dohin an der Regierung, ginn Drëtt.
• 05. Juni: Bei de virgezunnene Parlamentswalen a Portugal gewënnt déi oppositionell liberal Partei vun der Sozialdemokratie (PSD) ënner dem Pedro Passos Coelho.
• 22. Juli: E rietsextremen Attentäter deet zu Oslo eng Autobomm explodéieren an erschéisst duerno Dosende vu Jugendlecher an engem Vakanze-Camp op der Insel Utøya; am Ganze 76 Mënsche kommen dobäi ëm d'Liewen.
• 15. September: De "Roude Block" mat als stäerkster Partei de Sozialdemokrate gewënnt d'Parlamentswalen an Dänemark; d'Helle Thorning-Schmidt gëtt den 3. Oktober zur Premierministesch ernannt.
• 09. Oktober: Parlamentswalen a Polen.
• 23. Oktober: Federal Parlamentswalen an der Schwäiz.
• 27. Oktober: De Michael D. Higgins gewënnt d'Presidentewalen an Irland.
• 30. Oktober: D'Presidentewalen a Bulgarien gi vum Rossen Plewneliew gewonnen.
• 10. November: Nom Récktrëtt vum George Papandreou gëtt de Lucas Papademos Iwwerganks-Regierungschef a Griicheland.
• 16. November: Nom Récktrëtt vum Silvio Berlusconi, den 13. November, gëtt de Mario Monti Premierminister vun enger Iwwerganksregierung.
• 20. November: Bei de Parlamentswalen a Spuenie gewënnt de Partido Popular mat hirem Spëtzekandidat Mariano Rajoy. De Rajoy trëtt den 20. Dezember säin Amt un.
• 04. Dezember: Bei de Wale fir d'Duma, d'russescht Parlament, kritt dem Premierminister Wladimir Putin seng Partei mat 238 vu 450 Mandater d'absolut Majoritéit.
• 04. Dezember: D'Partei Positiivt Slowenien vum Zoran Janković kritt déi meescht Stëmme bei de virgezunnene Parlamentswalen a Slowenien.
• 04. Dezember: D'Parlamentswalen a Kroatie gi vun der oppositioneller Mëtt-Lénks-Allianz Kukuriku ënner dem Zoran Milanović gewonnen; de Milanovic gëtt den 23. Dezember Premierminister.
• 06. Dezember: 540 Deeg no de Parlamentswalen an der Belsch gëtt d'Koalitiounsregierung vu 6 Parteien ënner dem frankophone Sozialist Elio di Rupo vereedegt.

Lëtzebuerg

• 09. Oktober: An 116 Gemenge ginn d'Gemengeréit nei gewielt.

Afrika

• 02. Februar: An der Zentralafrikanescher Republik gewënnt de François Bozizé vun der sozialdemokratescher KNK d'Presidentschaftswale mat 66,1 % vun de Stëmmen.
• 07. Februar: Op Kap Verde gewënnt dem Premier José Maria Neves seng Partei PAICV d'Parlamentswalen.

Fändel vum Südsudan.

• 18. Februar: De Yoweri Museveni gëtt zum President vun Uganda erëmgewielt.
• 12. Mäerz: De Kandidat vun der Oppositioun, de Mahamadou Issoufou gewënnt mat 58 % vun de Stëmmen am 2.Tour d'Presidentschaftswalen am Niger.
• 31. Mäerz: Mayotte gëtt dat 101. franséischt Departement.
• 09. Juli: De Südsudan gëtt onofhängeg vum Sudan.
• 21. August: De Jorge Carlos Fonseca gëtt zum neie President vum Cap Vert gewielt an den 9. September vereedegt.

Amerika

• 02. Mee: D'virgezunnen Neiwale fir d'federaalt Parlament a Kanada gi vun der Konservativer Partei vum Premierminister Stephen Harper gewonnen.

USA

D'Äerdbiewen a Japan

Mëttel- a Südamerika

• 20. Mäerz: De Michel Martelly gewënnt am zweeten Tour d'Presidentewalen an Haiti.
• 05. Juni: Den Ollanta Humala gewënnt am 2. Tour d'Presidentewalen am Peru. Hie gëtt offiziell den 28. Juli ageschwuer.
• 23. Oktober: Déi aktuell argentinesch Presidentin Cristina Fernández de Kirchner gëtt bei Presidentschaftswalen erëmgewielt.
• 06. November: Den Daniel Ortega gëtt zum Staatspesident an Nicaragua erêmgewielt.

Asien

• 06. Februar: De Jhala Nath Khanal gëtt Premierminister am Nepal.
• 11. Mäerz: Bei engem Äerdbiewe vun der Stäerkt 9,0 virun der Ostküst vu Japan a virun allem dem Tsunami, deen doduerch entstanen ass, si 15.840 Leit ëm d'Liewe komm (derbäi kommen 3.926 Vermësster) an hunn Honnertdausenden hiert Doheem verluer. Dobäi ass och de Killsystem vun de Reaktere vun der Atomzentral Fukushima I zäitweileg ausgefall, et koum zu der Kärfusioun an 3 Reakteren, a Radioaktivitéit ass an d'Ëmwelt geroden. Eng Zon vun 20 km Ëmkrees gouf komplett evakuéiert, eréischt no Woche konnten d'Reaktere méi oder manner stabiliséiert ginn. D'Schied sinn am dräistellege Milliardeberäich.
• 12. Juni: Bei de Parlamentswalen an der Tierkei gewënnt d'Partei fir Gerechtegkeet an Entwécklung (AKP) ënner dem Prmeier Recep Tayyip Erdogan mat 326 vu 550 Sëtz.
• 03. Juli: Déi oppositionell Pheu Thai ("Partei fir d'Thaï"), mat un der Spëtzt der Yingluck Shinawatra gewënnt d'Parlamentswalen an Thailand.
• 25. Juli: Den Truong Tan Sang trëtt säin Amt als Staatspresident vum Vietnam un, den Nguyen Tan Dung gëtt Premierminister.
• 01. September: Nom Récktrëtt vum Naoto Kan gëtt de Yoshihiko Noda neie Premierminister a Japan.
• 25. Oktober: Bei engem Äerdbiewen am Oste vun der Tierkei kommen iwwer 500 Mënschen ëm d'Liewen.
• 04. Dezember: Bei de Wale fir d'Duma, d'russescht Parlament, kritt dem Premierminister Wladimir Putin seng Partei mat 238 vu 450 Mandater d'absolut Majoritéit.

Ozeanien & Pazifik

• 26. November: Dem Regierungschef John Key seng New Zealand National Party Partei gewënnt op en Neits d'Parlamentswalen an Neiséiland.

Revolutioun an Egypten.

Arabesch Welt an Noen Osten

• (uechtert d'Joer): Arabescht Fréijoer:
• 14. Januar: No wochelaange Protester géint seng Regierung trëtt den tuneesesche President Zine el-Abidine Ben Ali no 23 Joer un der Muecht zeréck a verléisst d'Land; de Fouad Mebazaâ gëtt Interims-Nofollger.
• 01. Februar: No Masseprotester gëtt de Marouf al-Bakhit vum Kinnek Abdullah II. vu Jordanien zum neie Regierungschef ernannt.
• 11. Februar: Den egyptesche President Hosni Mubarak trëtt no 18 Deeg Protester géint hien, bei deenen eng 300 Leit ëm d'Liewe kommen, zeréck. D'Militär iwwerhëlt, bis zu enger Verfassungsännerung, Parlaments- a Presidentschaftswalen, d'Muecht am Land.
• Mëtt Februar bis Mëtt Oktober: Fir d'éischt Protester, duerno Kämpf a Libyen géint den Diktator Muammar al-Gaddafi, bei deenen Dausende vu Leit ëm d'Liewe kommen. Eng Koalitioun, ugefouert vu Groussbritannien, Frankräich, Kanada an de USA flitt vum 19. Mäerz u Loftattacken op libesch Stellungen. D'Rebelle gewannen no an no Iwwerhand; den 20. Oktober gëtt de Gaddafi, deen op der Flucht war, gefaange geholl an erschoss.
• 15. Mäerz: Ufank vu Protester géint d'Regime vum Baschar al-Assad a Syrien, déi sech an de Méint duerno an e Biergerkrich ausbreeden. Bis Mäerz 2018 koumen dobäi ronn 350.000 Mënschen ëm d'Liewen, 7 Millioune Leit si Flüchtlingen an den Nopeschlänner an an Europa, a weider 6,3 Millioune hu missen an aner Plaze bannent Syrie flüchten. 7 Joer nom Ausbroch ass nach ëmmer keen Enn an Aussiicht.
• 21.-23. Oktober: Fräi Walen an Tunesien.
• 29. November: No de Parlamentswale vum 25. November a Marokko gëtt den Abdelilah Benkirane zum Premierminister ernannt.

Konscht a Kultur

• 01. Januar - 31. Dezember: Tallinn an Turku sinn Europäesch Kulturhaaptstied.

Literatur

• Servais-Präis fir dem Jean Krier säi Gedichtband Herzens Lust Spiele.
• Batty-Weber-Präis fir de Jean Portante.
• 1. Präis am Nationale Literaturconcours fir dem Tom Hengen säi Recueil Explorations in C.

Musek

• 10. Mee–14. Mee: Den Duo Ell & Nikki gewënnt mam Lidd Running Scared de 56. Eurovision Song Contest zu Düsseldorf.

Kino

• De César fir de beschte Film geet un Des Hommes et des Dieux vum Xavier Beauvois.
• Den Oscar fir de beschte Film geet un The King's Speech vum Tom Hooper.
• The Tree of Life vum Terrence Malick gewënnt d'Gëlle Palm um Filmfestival vu Cannes.

Wëssenschaft an Technik

• 29. September: Tiangong 1, déi éischt chinesch Raumstatioun, gëtt mat der Drorakéit Laange Marsch 2F op Orbit geschéckt.

Sport

• 09. Februar: Déi lëtzebuergesch Foussballnationalekipp gewënnt an der Stad Lëtzebuerg 2:1 géint Slowakei. Déi zwéi Goler fir d'Lëtzebuerger huet den Daniel da Mota geschoss.
• 25. Mäerz: Déi lëtzebuergesch Foussballnationalekipp verléiert an der Stad Lëtzebuerg, am Kader vun der Qualifikatioun fir d'Foussball-Europameeschterschaft 2012, 0:2 géint Frankräich.
• 29. Mäerz: Déi lëtzebuergesch Foussballnationalekipp verléiert zu Piatra Neamt, am Kader vun der Qualifikatioun fir d'Foussball-Europameeschterschaft 2012, 1:3 géint Rumänien. De Gol fir d'Lëtzebuerger huet de Lars Gerson geschoss.
• 01. Juni - 5. Juni De Linus Gerdemann gewënnt den Tour de Luxembourg 2011.
• 03. Juni: Déi lëtzebuergesch Foussballnationalekipp verléiert an der Stad Lëtzebuerg 0:1 géint Ungarn.
• 07. Juni: Déi lëtzebuergesch Foussballnationalekipp verléiert zu Minsk, am Kader vun der Qualifikatioun fir d'Foussball-Europameeschterschaft 2012, 0:2 géint Wäissrussland.
• 10. August: Déi lëtzebuergesch Foussballnationalekipp verléiert zu Faro 0:5 géint Portugal.
• 02. September: Déi lëtzebuergesch Foussballnationalekipp verléiert an der Stad Lëtzebuerg, am Kader vun der Qualifikatioun fir d'Foussball-Europameeschterschaft 2012, 0:2 géint Rumänien.
• 06. September: Déi lëtzebuergesch Foussballnationalekipp gewënnt an der Stad Lëtzebuerg, am Kader vun der Qualifikatioun fir d'Foussball-Europameeschterschaft 2012, 2:1 géint Albanien. D'Goler fir d'Lëtzebuerger hunn de Gilles Bettmer an Aurélien Joachim geschoss.
• 07. Oktober: Déi lëtzebuergesch Foussballnationalekipp verléiert zu Zenica, am Kader vun der Qualifikatioun fir d'Foussball-Europameeschterschaft 2012, 0:5 géint Bosnien-Herzegowina.
• 15. November: Déi lëtzebuergesch Foussballnationalekipp verléiert an der Stad Lëtzebuerg 0:1 géint Schwäiz.

Gestuerwen

• 
  Mill Majerus, † 1.4.
• 
  Romain Durlet, † 28.4.
• 
  Léon Bollendorff, † 5.6.

• 02. Januar: Pete Postlethwaite, englesche Schauspiller.
• 03. Januar: Jill Haworth, brittesch Schauspillerin.
• 08. Januar: Jiří Dienstbier, tschecheschen Dissident a Politiker.
• 09. Januar: Peter Yates, brittesche Filmregisseur.
• 10. Januar: Julot Faber, Promoteur vum Lëtzebuerger Folklore.
• 13. Januar: Hellmut Lange, däitsche Schauspiller.
• 15. Januar: Susannah York, brittesch Schauspillerin an Auteur.
• 15. Januar: Hilde Zach, éisträichesch Politikerin.
• 24. Januar: Bernd Eichinger, däitsche Filmproduzent a -regisseur.
• 30. Januar: John Barry, brittesche Filmmusekkomponist.
• 03. Februar: Maria Schneider, franséisch Schauspillerin.
• 04. Februar: Edmond Israel, lëtzebuergesche Banquier.
• 06. Februar: Gary Moore, brittesche Museker.
• 12. Februar: Peter Alexander, éisträicheschen Entertainer, Showmaster, Sänger a Schauspiller.
• 13. Februar: Norbert Hoffmann, lëtzebuergesche Komponist.
• 13. Februar: Louis Grisius, lëtzebuergesche Vëlossportler an Olympionik.
• 18. Februar: Catherine Jourdan, franséisch Schauspillerin.
• 28. Februar: Annie Girardot, franséisch Schauspillerin.
• 28. Februar: Jane Russell, US-amerikanesch Schauspillerin.
• 13. Mäerz: Sascha Wagener, lëtzebuergesche Politiker.
• 23. Mäerz: Elizabeth Taylor, US-amerikanesch Schauspillerin.
• 27. Mäerz: Farley Granger, US-amerikanesche Schauspiller.
• 01. Abrëll: Mill Majerus, lëtzebuergesche Politiker a Sexolog.
• 05. Abrëll: Baruch Samuel Blumberg, US-amerikanesche Wëssenschaftler.
• 09. Abrëll: Sidney Lumet, US-amerikanesche Filmregisseur.
• 10. Abrëll: Jean Kerger, lëtzebuergesche Professer a Sproochwëssenschaftler.
• 14. Abrëll: William N. Lipscomb, US-amerikanesche Cheemiker.
• 15. Abrëll: Michel Raus, lëtzebuergesche Jounalist a Schrëftsteller.
• 24. Abrëll: Marie-France Pisier, franséisch Schauspillerin a Regisseurin.
• 28. Abrëll: Romain Durlet, lëtzebuergesche Journalist, Auteur a Politiker.
• 01. Mee: Osama Bin Laden, Grënner vum Al-Qaida-Terrornetzwierk.
• 05. Mee: Dana Wynter, brittesch Schauspillerin.
• 09. Mee: Wouter Weylandt, belsche Vëlossportler.
• 10. Mee: Henri Klees, lëtzebuergesche Linguist an Ethnolog.
• 17. Mee: Silvia Solar, franséisch Schauspillerin.
• 19. Mee: Kathy Kirby, brittesch Popsängerin.
• 26. Mee: Fritz Klein, däitschen Historiker.
• 28. Mee: Françoise Groben, lëtzebuergesch Cellistin.
• 04. Juni: Maurice Garrel, franséische Schauspiller.
• 05. Juni: Léon Bollendorff, lëtzebuergesche Politiker.
• 07. Juni: Jorge Semprún, spuenesche Schrëftsteller a Politiker.
• 12. Juni: Roland Smaniotto, lëtzebuergesche Vëlossportler.
• 23. Juni: Peter Falk, US-amerikanesche Schauspiller.
• 27. Juni: Félicien Steichen, lëtzebuergesche Fuerscher an Dokter.
• 29. Juni: Milly Ludwig, lëtzebuergesch Liichtathleetin.
• 04. Juli: Otto von Habsburg, éisträichesch-däitsche Journalist, Schrëftsteller a Politiker.
• 11. Juli: Tom Gehrels, hollänneschen Astronom.
• 14. Juli: Leo Kirch, däitsche Medienentreprener.
• 22. Juli: Linda Christian, mexikanesch Schauspillerin.
• 23. Juli: Amy Winehouse, brittesch Sängerin.
• 25. Juli: Michael Cacoyannis, zypriotesch-griichesche Filmregisseur, Dréibuchauteur a Filmproduzent.
• 29. Juli: Claude Laydu, franséische Schauspiller.
• 14. August: Friedrich Schoenfelder, däitsche Schauspiller.
• 22. August: Vicco von Bülow (Loriot), däitschen Humorist, Zeechner, Schauspiller a Regisseur.
• 23. August: René Putzeys, lëtzebuergesche Politiker.
• 25. August: Lucien Thiel, lëtzebuergesche Politiker a Journalist.
• 03. September: Henri Muller, lëtzebuergeschen Enseignant an Iwwersetzer.
• 18. September: Jean-Christophe Massinon, franséische Moler a Sculpteur.
• 20. September: Claude Rohla, lëtzebuergesche Bouschéisser an Olympionik.
• 21. September: Paulette Dubost, franséisch Schauspillerin.
• 22. September: Aristides Pereira, kapverdianesche Politiker.
• 25. September: Wangari Maathai, kenianesch Wëssenschaftlerin a Friddensnobelpräisdréierin.
• 29. September: Albert Weinberg, belsche Comicszeechner.
• 05. Oktober: Steve Jobs, US-amerikaneschen Entreprener.
• 07. Oktober: Fred Karen, lëtzebuergesche Militärhistoriker.
• 10. Oktober: Emmanuel Tesch, lëtzebuergesche Chimieingénieur a Manager.
• 12. Oktober: Heinz Bennent, däitsche Schauspiller,
• 20. Oktober: Muammar al-Gaddafi, libesche Militär a Staatschef.
• 25. Oktober: François Arnscheidt, lëtzebuergesche Foussballspiller.
• 28. Oktober: Willy De Clercq, belsche Politiker.
• 29. Oktober: Robert Lamoureux, franséische Schauspiller, Filmregisseur an Dréibuchauteur.
• 07. November: Joe Frazier, US-amerikanesche Boxer.
• 11. November: Georges Papy, belsche Mathematiker.
• 15. November: Antonio Eceiza, spuenesche Filmregisseur, Dréibuchauteur a Filmproduzent.
• 17. November: Jeannot Kremer, lëtzebuergesche Foussballspiller, -trainer a Lokalpolitiker.
• 22. November: Élisabeth vu Lëtzebuerg.
• 22. November: Georg Kreisler, US-amerikanesche Museker, Sänger, Komponist, Auteur.
• 23. November: Montserrat Figueras, spuenesch Sopranistin.
• 26. November: Chukwuemeka Odumegwu Ojukwu, biafranesch-nigerianesche Staatsmann.
• 26. November: Armand Hary, lëtzebuergesche Schoulmeeschter, Professer a Geolog.
• 27. November: Ken Russell, brittesche Filmregisseur.
• 28. November: Charles Thomas Kowal, US-amerikaneschen Astronom.
• 30. November: Zdeněk Miler, tschecheschen Dessins-animés-Mécher.
• 01. Dezember: Christa Wolf, däitsch Schrëftstellerin.
• 04. Dezember: Robert Mancini, lëtzebuergesche Journalist a Sculpteur.
• 06. Dezember: Dieter Wagner, Moler, Graphiker a Galerist.
• 12. Dezember: Rudy Mach, lëtzebuergesche Polizist a Resistenzler.
• 14. Dezember: Don Sharp, brittesche Schauspiller a FIlmregisseur.
• 15. Dezember: Walter Giller, däitsche Schauspiller.
• 16. Dezember: Nicol Williamson, brittesche Schauspiller.
• 17. Dezember: Cesária Évora, kapverdianesch Musekerin.
• 17. Dezember: Kim Jong-il, koreanesche Politiker.
• 18. Dezember: Václav Havel, tschechesche Schrëftsteller a Politiker.
• 24. Dezember: Johannes Heesters, hollännesche Schauspiller a Sänger.
• 28. Dezember: René Scheer, lëtzebuergesche Foussballspiller.
• 29. Dezember: Charles Karpen, lëtzebuergesche Foussballspiller.

Um Spaweck

Commons: 2011 – Biller, Videoen oder Audiodateien