Gabriel Attal
De Gabriel Attal, gebuer de 16. Mäerz 1989 zu Clamart, am Departement Hauts-de-Seine, ass e franséische Politiker (Renaissance). Hien war vum 9. Januar bis den 5. September 2024 Premierminister vun der Franséischer Republik.
| Gabriel Attal | |
|---|---|
 | |
| Gebuer |
16. Mäerz 1989 Clamart |
| Nationalitéit | Frankräich |
| Educatioun |
Institut d'études politiques de Paris, Universitéit Panthéon-Assas, École alsacienne |
| Aktivitéit | Politiker |
| Partei | Renaissance, Parti socialiste |
| Famill | |
| Liewenspartner(in) | Stéphane Séjourné |
| Papp | Yves Attal |
| Mamm | Marie de Couriss |
 | |
Virdru war hie vu Juli 2020 bis Mee 2022 Porte-parole vun der Regierung, dono Delegéierte Budgetsminister am Finanz- a Wirtschaftsministère, an da vu Juli 2023 bis Januar 2024 Bildungsminister ënner der Premierministesch Elisabeth Borne, där hiren Nofollger hie gouf.
Hie war vun 2006 bis 2016 Member vum Parti socialiste (PS), 2017 gouf hie Member vun En Marche !. Vun 2012 bis 2017 war hie Conseiller a Riedeschreiwert am Cabinet vun der Sozial- a Gesondheetsministesch Marisol Touraine (PS). 2014 gouf hien an de Gemengerot vu Vanves gewielt.
No de virgezunnene Parlamentswale vum 7. Juni 2024 huet hie säi Récktrëtt ugekënnegt,[1] blouf awer nach bis de 5. September 2024, den Dag vun der Ernennung vu sengem Nofollger Michel Barnier, faisant fonction a sengem Amt.
Um Spaweck
änneren| Commons: Gabriel Attal – Biller, Videoen oder Audiodateien |
