Charente (Floss)

D'Charente ass en 381 km laange Stroum am Weste vu Frankräich, an der Regioun Nouvelle-Aquitaine. Si entspréngt um Territoire vun der Gemeng Chéronnac, am Kanton Rochechouart, leeft ufanks a Richtung Nordwesten an dréint da bei Civray a südlech Richtung bis op Angoulême. Do geet et dann an Direktioun Weste virun, laanscht Jarnac a Cognac, bis op Saintes. Do mécht se d'Kéier no Nordweste fir dann ënnert Rochefort a vis-à-vis vun der Île d'Oléron, an de Golf vu Biscaya an den Atlanteschen Ozean ze mënden.

Charente

D'Charente mat hire wichtegsten Nieweflëss
Längt	381 km
Debit	40 m³/s
Fläch vum Baseng	10.549 km²
Originn
Originn	Quell
Plaz	bei Chéronnac
Héicht	308
Koordinaten	45° 45’ 21’’ N       00° 46’ 15’’ O
Konfluenz
Leeft an	Atlantik
Plaz	bei Rochefort
Héicht	0
Koordinaten	45° 57’ 15’’ N       01° 04’ 32’’ O
Geographie
Land	Frankräich
Uertschaften	Angoulême, Cognac, Saintes, Rochefort Saint-Yrieix-sur-Charente, Jarnac, Tonnay-Charente

D'Charente bei Tonnay

Op de ronn 150 km vun der Mëndung bis op Angoulême erop ka se mat Schëffer befuer ginn.Vu Saint-Savinien un ass den Afloss vun de Gezäiten ze spieren. Historesch ass d'Charente e wichtegen Transportwee fir de Wäibrand, deen no der Stad mam selwechten Numm Cognac genannt gëtt.

D'Charente leeft duerch d'Departementer Haute-Vienne, Vienne, Charente a Charente-Maritime. Deenen zwéi leschten huet se hiren Numm ginn.

Nieweflëss

Vu lénks: Moulde Argent-Or Son-Sonnette Bonnieure Touvre Charreau oder Charraud Boème Né Seugne Arnoult

Vu riets: Transon Péruse Aume Soloire Antenne Boutonne Devise

Uertschaften um Floss

• Chéronnac
• Roumazières-Loubert
• Alloue
• Charroux
• Civray
• Ruffec
• Verteuil-sur-Charente
• Mansle
• Montignac-Charente
• Saint-Yrieix-sur-Charente
• Angoulême
• Nersac
• Châteauneuf-sur-Charente
• Jarnac
• Cognac
• Saintes
• Tonnay-Charente
• Rochefort
• Fouras

Um Spaweck

Commons: Charente – Biller, Videoen oder Audiodateien