Golf vu Bengalen
De Golf vu Bengalen ass déi gréisst Mieresbucht op der Welt an den nordëstlechen Deel vum Indeschen Ozean. Graff gesinn huet en d'Form vun engem Dräieck a läit tëscht Indien am Sri Lanka am Westen, dem Bangladesch am Norden, an dem Myanmar an den indeschen Inselen Andamanen an Nikobaren am Osten. En huet eng Fläch vun ongeféier 2.173.000 Quadratkilometer.[1]
Op sengem déifste Punkt ass de Golf vu Bengalen 4.694 Meter déif.[1] Eng Rei grouss Flëss fléissen an de Golf, dorënner de Mahanadi, de Godavari, de Krishna, de Kaveri, de Ganges an de Brahmaputra[1]. Wichteg Hafestied sinn Chennai, Chittagong, Kalkutta, Visakhapatnam a Yangon.
Biller
änneren-
Den Hafe vu Visakhapatnam -
Eng Plage am Bangladesh -
Krichsschëffer aus Indien, Australien, Japan, Singapur an den USA bei enger Übung am Golf vu Bengalen
| Commons: Golf vu Bengalen – Biller, Videoen oder Audiodateien |
Referenzen
änneren- ↑ 1,0 1,1 1,2 britannica.com: Bay of Bengal (gekuckt de 4. September 2016)