Taurus (Rakéit)

D'Taurus war eng amerikanesch Drorakéit, déi vum fréiere Konzern Orbital Sciences Corporation gebaut gouf. D'Taurus war eng Variant vun der Pegasus-Rakéit, déi vum Buedem aus gestart gouf a bei där dofir den Drofliger duerch déi éischt Stuf vun der Peacekeeper-Interkontinentalrakéit oder hirem kommerziellen Derivat, der Castor-120-Stuf, ersat gouf.

Hir Notzlaaschtkapazitéit war jee no Versioun tëscht 1180 a 1450 kg an enger niddreger Ëmlafbunn. Den éischte Start war 1994, mat souwuel militäresche wéi och kommerziellen Notzlaaschten. Nom zweete Feelstart vun enger Taurus 3110 hannereneen huet d'NASA de Startvertrag mam OCO 2 gekënnegt. Eng Neiqualifikatioun vun der Rakéit war viru weidere Starten néideg.^[1]

Versiounen

Hire modulären Opbau erlaabt jee no Bedarf verschidde Konfiguratiounen:

Rakéit	Stufen	1. Stuf	2. Stuf	3. Stuf	4. Stuf	Notzlaascht (kg)
Taurus-1110	4	TU-903	Orion-50S	Orion-50	Orion-38	1180 kg
Taurus-2110	4	Castor-120	Orion-50S-G	Orion-50	Orion-38	1250 kg
Taurus-2210	4	Castor-120	Orion-50S-G	Orion-50	Orion-38	1050 kg
Taurus-3110 (Taurus-XL)	4	Castor-120	Orion-50SXL	Orion-50XL	Orion-38	1450 kg
Taurus-3210 (Taurus-XL)	4	Castor-120	Orion-50SXL	Orion-50XL	Orion-38	1275 kg

Taurus 1110
Taurus 2210 mat GFO
Taurus 3110 (Taurus-XL) mat OCO
Taurus 3110 (Taurus-XL) mat Glory

Startlëscht

Komplett Startlëscht vun der Taurus-Rakéit. Stand: 4. Mäerz 2011

Laf. Nr.	Datum (UTC)	Typ	Ser.-Nr.	Startplaz	Notzlaascht	Aart vun der Notzlaascht	Notzlaascht a kg (brutto¹)	Orbit²	Bemierkungen
1	13. Mee 1994	Taurus-1110	T-1	Va 576E	STEP 0, DARPASAT	Zwéin militäresch Technologiesatellitten	706 kg	?	Erfolleg
2	10. Februar 1998	Taurus-2210	T-2	Va 576E	GFO, Orbcomm FM 3, Orbcomm FM 4, Celestis 02	Militäreschen Ozeanographiesatellit, zwee Kommunikatiounssatellitten, Weltraumbegriefnes	>500 kg	?	Erfolleg
3	3. Oktober 1998	Taurus-1110	T-3	Va 576E	STEX, ATEx	Zwee militäresch Technologiesatellitten	>53 kg	?	Erfolleg
4	21. Dezember 1999	Taurus-2110	T-4	Va 576E	KOMPSat 1, ACRIMSat, Celestis 03	Koreaneschen Äerdobservatiounssatellit, Klimafuerschungssatellit, Weltraumbegriefnes	>589 kg	?	Erfolleg
5	13. Mäerz 2000	Taurus-1110	T-5	Va 576E	MTI	Militäreschen Technologiesatellit	587 kg	?	Erfolleg
6	21. September 2001	Taurus-2110	T-6	Va 576E	OrbView 4, QuikTOMS, SBD, Celestis 04	Äerdobservatiounssatellit, Klimafuerschungssatellit, Technologienotzlaascht, Weltraumbegriefnes	>607 kg	?	Feelstart Problem no der Trennung vun der 1. Stuf, Orbit gouf net erreecht
7	20. Mee 2004	Taurus-3210	T-7	Va 576E	FORMOSAT-2	Taiwaneschen Äerdobservatiounssatellit	764 kg	?	Erfolleg
8	24. Februar 2009	Taurus-3110	?	Va 576E	OCO	Äerdobservatiounssatellit	407 kg	?	Feelstart Keng Trennung vun der Notzlaaschtverkleedung
9	4. Mäerz 2011	Taurus-3110	?	Va 576E	Glory, E1P, KySat 1, HERMES	Ärdobservatiounssatellit, Cubesats	548 kg	?	Feelstart Keng Trennung vun der Notzlaaschtverkleedung^[2]

¹ Bruttogewiicht = (Satellitten + Adapter, Gehais etc.)

² NET zwangsleefeg den Zilorbit vun der Notzlaascht, mä d'Bunn, op där d'Notzlaascht vun der Uewerstuf ausgesat soll ginn.

Taurus II

Déi däitlech méi grouss Antares-Rakéit, déi an Entwécklung ass, war ufanks als Taurus II bezeechent ginn, obwuel si technesch der Taurus-Rakéit net geglach huet. Den 12. Dezember 2011 hat d'Orbital bekannt ginn, datt den Numm vun der Rakéit vun Taurus II op Antares geännert gouf.^[3]