Tour de France 2010

Déi 97. Editioun vum Tour de France gouf 2010 vum 3. bis de 25. Juli gefuer. D'Course hat eng total Distanz vun 3.642 Kilometer. 197 Coureure sinn an 22 Ekippen un den Depart gaangen, 170 dovun hunn et och iwwer d'Zillinn gepackt.

Gewonne gouf den Tour, grad wéi deen d'Joer virdrun, vum Spuenier Alberto Contador. Zweete gouf den Andy Schleck, drëtten de Russ Denis Menschow.

De 6. Februar 2012 huet den Tribunal Arbitral du Sport zu Lausanne an engem Urteel de Contador fir 2 Joer wéinst Doping gespaart, an him ë. a. den Titel vum Gewënner vum Tour de France 2010 oferkannt. Domat ass den Andy Schleck annerhalleft Joer duerno als Vainceur 'nogerëtscht'.

De brittesche Sprinter Mark Cavendish huet fënnef Etappe gewonnen, an der Lutte ëm de gréngen Trikot gouf hien awer just den Zweeten hanner dem Italieener Alessandro Petacchi.

Beschte Grimpeur gouf de Fransous Anthony Charteau, viru sengem Landsmann Christophe Moreau an dem Andy Schleck.

De wäissen Trikot vum beschte jonke Coureur hat den Andy Schleck zanter der siwenter Etapp an e sollt en, wéi déi zwee Joer virdrun, och net méi hierginn.

De Präis vum Super combatif goung un de Fransous Sylvain Chavanel.

Als beschten Ekipp huet sech d'Team RadioShack erausgestallt.

Streck

Um Programm stoungen néng Flaachetappen, véier Etappe mat Hiwwelen a sechs Biergetappen, dorënner der dräi mat Biergarrivée.

Ongewéinlech war beim Tour 2010, datt et ausser beim Prolog just nach een Eenzelzäitfuere gouf. En Ekippenzäitfuere war iwwerhaapt net virgesinn.

Haart Kritik un den Organisateure gouf et, well verschidde Strecken och iwwer Pavé gefouert hunn, wou vill Coureure gefall sinn, dorënner och de Fränk Schleck, dee sech dobäi d'Schlësselbeen gebrach huet.

Etappen

Etapp	Datum	Etappestied	Längt (a km)	Etappegewënner	Generalklassement
Prolog	3. Juli	Rotterdam (NED) - Rotterdam (NED)	008,9 (CLM)	SUI Fabian Cancellara	SUI Fabian Cancellara
01.	4. Juli	Rotterdam (NED) – Bréissel (BEL)	223,5	ITA Alessandro Petacchi	SUI Fabian Cancellara
02.	5. Juli	Bréissel (BEL) – Spa (BEL)	201,0	FRA Sylvain Chavanel	FRA Sylvain Chavanel
03.	6. Juli	Wanze (BEL) – Arenberg-Porte du Hainaut	213,0	Norway Thor Hushovd	SUI Fabian Cancellara
04.	7. Juli	Cambrai – Reims	153,5	ITA Alessandro Petacchi	SUI Fabian Cancellara
05.	8. Juli	Épernay – Montargis	187,5	GBR Mark Cavendish	SUI Fabian Cancellara
06.	9. Juli	Montargis – Gueugnon	227,5	GBR Mark Cavendish	SUI Fabian Cancellara
07.	10. Juli	Tournus – Station des Rousses	165,5	FRA Sylvain Chavanel	FRA Sylvain Chavanel
08.	11. Juli	Station des Rousses - Morzine-Avoriaz	189,0	LUX Andy Schleck	AUS Cadel Evans
	12. Juli	Roudag
09.	13. Juli	Morzine-Avoriaz - Saint-Jean-de-Maurienne	204,5	FRA Sandy Casar	LUX Andy Schleck
10.	14. Juli	Chambéry – Gap	179,0	POR Sérgio Paulinho	LUX Andy Schleck
11.	15. Juli	Sisteron – Bourg-lès-Valence	184,5	GBR Mark Cavendish	LUX Andy Schleck
12.	16. Juli	Bourg-de-Péage – Mende	210,5	ESP Joaquim Rodríguez	LUX Andy Schleck
13.	17. Juli	Rodez – Revel	196,0	KAZ Alexander Winokurow	LUX Andy Schleck
14.	18. Juli	Revel – Ax 3 Domaines	184,5	FRA Christophe Riblon	LUX Andy Schleck
15.	19. Juli	Pamiers – Bagnères-de-Luchon	187,0	FRA Thomas Voeckler	ESP Alberto Contador
16.	20. Juli	Bagnères-de-Luchon – Pau	199,5	FRA Pierrick Fédrigo	ESP Alberto Contador
	21. Juli	Roudag
17.	22. Juli	Pau – Col du Tourmalet	174,0	LUX Andy Schleck	ESP Alberto Contador
18.	23. Juli	Salies-de-Béarn – Bordeaux	198,0	GBR Mark Cavendish	ESP Alberto Contador
19.	24. Juli	Bordeaux – Pauillac	052,0 (CLM)	SUI Fabian Cancellara	ESP Alberto Contador
20.	25. Juli	Longjumeau – Paräis (Champs-Élysées)	102,5	GBR Mark Cavendish	ESP Alberto Contador

Generalklassement

	Cyclist	Land	Ekipp		Zäit
1	~~Alberto Contador~~^[1]	~~Spuenien~~	~~KAZ Astana~~	an	91 h 58 min 48 sek
201	Andy Schleck	Lëtzebuerg	DEN Team CSC-Saxo Bank	+	39 sek
302	Denis Menschow	Russland	NED Rabobank	+	2 min 31 sek
403	Samuel Sánchez	Spuenien	ESP Euskaltel-Euskadi	+	3 min 40 sek
504	Jurgen Van den Broeck	Belsch	BEL Omega Pharma-Lotto	+	6 min 54 sek
605	Robert Gesink	Holland	NED Rabobank	+	9 min 31 sek
706	Ryder Hesjedal	Kanada	USA Garmin-Transitions	+	10 min 15 sek
807	Joaquim Rodríguez	Spuenien	RUS Team Katjuscha	+	11 min 37 sek
908	Roman Kreuziger	Tschechesch Republik	ITA Liquigas-Doimo	+	11 min 54 sek
1009	Christopher Horner	USA	USA Team RadioShack	+	12 min 02 sek
11010	Luis León Sánchez	Spuenien	ESP Caisse d'Épargne	+	14 min 21 sek
12011	Rubén Plaza	Spuenien	ESP Caisse d'Épargne	+	14 min 29 sek
13012	Levi Leipheimer	USA	USA Team RadioShack	+	14 min 40 sek
14013	Andreas Klöden	Däitschland	USA Team RadioShack	+	16 min 36 sek
15014	Nicolas Roche	Irland	FRA ag2r La Mondiale	+	16 min 59 sek
16015	Alexander Winokurow	Kasachstan	KAZ Astana	+	17 min 46 sek
17016	Thomas Lövkvist	Schweden	GBR Team Sky	+	20 min 46 sek
18017	Kevin De Weert	Belsch	BEL Quick Step	+	21 min 54 sek
19018	John Gadret	Frankräich	FRA ag2r La Mondiale	+	24 min 04 sek
20019	Carlos Sastre	Spuenien	SUI Cervélo TestTeam	+	26 min 37 sek
21020	Daniel Moreno	Spuenien	BEL Omega Pharma-Lotto	+	29 min 38 sek
22021	Christophe Moreau	Frankräich	ESP Caisse d'Épargne	+	34 min 1 sek
23022	Lance Armstrong	USA	USA Team RadioShack	+	39 min 20 sek
24023	Bradley Wiggins	Vereenegt Kinnekräich	GBR Team Sky	+	39 min 24 sek
25024	Sandy Casar	Frankräich	FRA FDJ	+	45 min 52 sek