Wäschkichen

Eng Wäschkichen (heiansdo och Buanderie op Franséisch genannt) ass e Raum, an engem Haus an deem d'Wäsch gemaach an heiansdo och gestreckt gëtt.

Eng Wäschkiche kann an engem Wunngebai sinn oder an anere gréisseren Etablissementer wéi engem Spidol oder engem Hotel. Si ass typescherweis am Keller ze fannen, mee dat ass net ëmmer de Fall. An engem Wunngebai mat e puer Appartementer kann d'Wäschkichen eng Gemeinschaftswäschkiche fir e puer Wunnenge sinn. Gréisser Wunnenge kënnen hire eege separat Wäschkichen hunn.

Zu den Haaptequipementer vun enger Wäschkiche zielen d'Wäschmaschinn an den Trockner. Donieft kann een do och e Lavabo, en Dësch fir d'Kleeder ze falen oder ze strecken, e Wäschkuerf oder eng Wäschléngt fannen.

Den Numm vum Raum kënnt dohier, well fréier d'Wäsch wéi an enger Kichen an engem Wäschkessel gekacht gouf.

Biller

• 
  Eng duebel Fassell a Finnland, déi benotzt gouf fir d'Wäsch ze maachen, éier et elektronesch Wäschmaschinne gouf
• 
  Eng einfach Wäschkichen op enger amerikanescher Militärbasis
• 
  Eng modern Wäschkiche mat Wäschmaschinn an Trockner
• 
  Eng Wäschkiche mat Lavabo
• 
  En ale Wäschkessel

Kuckt och

• Wäschbuer, de Virgänger vun der Wäschkichen
• Wäschsalon, e Wirtschaftsbetrib, an deem Cliente bezuele fir kënnen hir Wäsch ze maachen

Um Spaweck

Commons: Wäschkichen – Biller, Videoen oder Audiodateien