Academia de Atina

La Academia de Atina (elinica antica Ἀκαδημία) ia es instituida par Platon en s 387 aec en Atina. Aristotele ia studia ala per dudes anios ante fundi sua propre scola, la Liseo. La Academia ia persiste tra la periodo eliniste como un scola setica, asta fini pos la mori de Filo de Larisa en 83 aec. La Academia Platonica ia es destruida probable par Sula en 86 aec. Multe sentenios a pos, en 410 ec, un Academia "reviveda", cual no ia ave continua institual con la scola de Platon, ia es instituida como sentro de la neoplatonisme e misticisme, persistente asta 529 aec cuando lo ia es cluida par Iustiniano 1. Otra scolas en Constantinopoli, Antiocia e Alexandria, cual ia es la sentros de la impero e Iustiniano, ia continua.

La scola de Atina, fresco par Rafael Sanzio (1509-1510), un de la depintas la plu importante de la Renase, do apare alga de la filosofistes e sajas plu importante de Elas clasica, en ajunta a otra carateres noncontempora como Averroes. A la sentro on trova Platon, fundor de la Academia. A sinistra a fronte: Gramatica, Aritmetica e Musica; a destra: Jeometria e Astronomia, e a supra Retorica e Dialetica.