Anglosasones
La anglosasones ia es un popla ci ia abita en Britan de la sentenio 5. Los ia es composada par poplas de tribus germanica ci ia migra a la isola de la continente european, sua desendentes, e poplas brites nativa ci ia adota alga aspetas de la cultur e lingua anglosason. Istorial, la periodo anglosason indica la periodo en Britan entre sirca 450 e 1066, pos sua coloni inisial e asta la concista normande. La periodo anglosason temprana inclui la crea de la nasion engles, con multe de la aspetas cual survive oji. En esta periodo cristianisme ia es instituida e on ia ave un developa importante de leteratur e lingua como ance de constituis e leges. La terma anglosason es poplal usada per refere a la lingua parlada e scriveda par la anglosasones en England e Scotland este entre a la min la media de la sentenio 5 e la media de la sentenio 12. En usa erudita, lo es plu comun nomida engles antica.
La identia cultural de la anglosasones ia developa de grupos diverjente en asosia con la adota de cristianisme, e ia es integral con la institui de renas diversa. Menasada par la invades dansce e la ocupa militar de England este, esta identia ia es reinstituida: lo ia domina asta la concista normande. La cultur anglosason vidable pote es videda en la cultur material de construidas, moda, testos luminada e benes de tomba.
La terma "anglosason" (Anglo-Saxon) suposa ce la parolas anglos, sasones o anglosasones ave la mesma sinifia en tota fontes. Esta terma ia comensa es usada sola en la sentenio 8 per distingui la grupos "germanica" en Britan de los en la continente european.