Arteria
Un arteria (de elenica ἀρτηρία, "arteria, tracea") es un duto sangual cual porta sangue a via de la cor a tota partes de la corpo (texedas, pulmones, etc). La plu de arterias porta sangue osijenida; la du esetas es la arterias pulmonal e ombilical, cual porta sangue deosijenida a la organos cual osijeni lo. La volum efetosa de sangua arterial es la fluente estraselulal cual pleni la sistem arterial.
La arterias es parte de la sistem de sangue, cual es cargada con la trae de osijen e nurintes a tota selulas, e ance la sutrae de diosido de carbono e dejetadas, la manteni de pH la plu bon, e la sirculi de protenas e selulas de la sistem de imunia. En paises developada, la du causas xef de mori - infarta miocardial (ataca de cor) e ataca serebral - pote resulta direta de un sistem arterial cual ia es lente e progresante comprometeda par anios de mali (plu comun un bloci par colesterol).