Autonomisme

Autonomia es un conseta astrata cual aplica a grados variosa de organiza.

Hashim Thaçi con visepresidente de la SUA Joe Biden, mostrante la Declara de Autonomia de Kosovo

Lo pote refere a condui personal o par unias de familia, o a ativias de grados plu alta, incluinte profesas, corpos industrial, relijios, unias political incluinte rejiones autonom o otras en nasiones-statos cual joia alga diretos autocrata. Lo es un parte en la contesto plu grande de governa e prinsipes como la acorda de la governada, e pote envolve organizas nonprofita e governa de corporas.

Autonomia pote es usada per descrive un person o persones o un grupo cual es capas de usa tota de la funsiones nesesada de potia sin interveni par cualce autoria cual los mesma no pote cambia. En ajunta a descrive autonomia personal, lo es ance asosiada con contestos en cual on ave la sesa de rena colonial, governa asoluta, o monarcia, e ance los en cual esijes per autonomia par rejiones relijial, etnical, o jeografial cual persepi se como nonrepresentada o min representada en un governa nasional. Lo es, donce, un prinsipe fundal de governa democrata e republiciste, e ance de nasionalisme.

Swaraj, un terma introduida par Mahatma Gandhi, es un ramo de esta ideolojia de autonomia. Henry David Thoreau ia es un promovor de autonomia en loca de governas nonmoral.

Autonomia en la contesto de nasiones-statos es un conseta multe importante en lege internasional.