Azerbaidjani
La popla azerbaidjani (Azərbaycanlılar آذربایجانلیلار, Azərbaycan türkləri ترکهای آذربایجانی, türklər ترکها) es un etnica turcica ci abita xef en la area irani de Azerbaidjan e la Republica de Azerbaidjan. Los es la etnica du de grandia entre la popla turcica, pos la turceses de Turcia. Los es, per la plu parte, Muslimes xia e los ave un erita miscada, incluinte elementos turcica, irani, e caucasian. Los es la etnica la plu grande en Azerbadjan, e la etnica du en grandia en Iran, en cual la cuantia la plu grande de azerbaijanis en la mundo abita, segueda par Azerbaidjan.
En multe modos, azerbaijanis es eurasian e bicultural. La azerbaidjanis norde ia asorbe la influes de Rusia e Europa este. La azerbaidjanis sude ia resta en la tradisiones turcica e irani. La cultur moderne azerbaidjani inclui atenis sinifiante en leteratur, arte, musica, e filma.
La sosia de Azerbaidjan es cuasi moderne, spesial en la sites como Bacu. Femes pote vote de 1917, e partisipa a un grado en la politica de la nasion. Los no usa la vela. Ma la femes azerbaidjani en Iran ave la mesma restrinjes como la otra iranis, su un governa controlada par la aiatolas.