Contia Multnomah, Oregon
La contia Multnomah es un contia de la stato de Oregon norde-ueste. Lo es la contia la plu poplada, e ance la min vasta, en la stato. La seja de la contia es Portland. Lo borda la contia Washington a la ueste, la contia Clackamas a la sude, la contia Hood River a la este, la contia Columbia a la norde-ueste, e la contia Clark, Washington, a la norde.
La etimolojia de la nom "Multnomah" deriva de un parola de Xinuc Uaua, nematlnomaq, "rio basa," en refere a la rio Willamette a norde de la cascade Willamette (en Oregon City aora).
Istoria
editaLa contia Multnomah ia es fundida como la contia 13 de la teritorio vea de Oregon a 13 desembre 1854, ante la fundi de la stato de Oregon. Multnomah ia es divideda de un parte este de la contia Washington, e un parte norde de la contia Clackamas.
Jeografia
edita
La cuantia de abitores de la contia es 759 256 (contada en 2012), en la area de 1 210 cilometres cuadrida.
Governa
editaSeguente la constitui de Oregon, la governa de contia es encargada a alga funsionas, como la dirije de eleje, la xerif e prison de la contia, la avocato prosedente, la dirije de la libria limitada (coreti comunial), la dirije de la casa de justia (ma la judores es empleada par la stato), la sania publica (incluinte la esamina e lisensa de restorantes e laborores de comeda), e la dirije de pontes (estra pontes nasional).
La contia es ance encargada per dirije areas noncorporada.
La Contia de Multnomah maneja la Biblioteca de contia de Multnomah (BCM), un sistem de la biblioteca publica. La BCM es un de la bibliotecas publica la plu usada en la SUA. Orijinante como la Asosia Biblioteca de Portland (ABP), lo ia es fundida a 12 janero 1864 como un biblioteca privata. Lo ia deveni un biblioteca publica en 1902. La ABP ia es asorbeda en la governa de contia a 1 julio 1990. En 2013, la Biblioteca de Distrito de la Contia Multnomah (DBCM, o Multnomah County Library District en engles) ia es formida par la votores de la contia, afin la biblioteca pote crea un imposta permanente nova sur la imobilas per finansia la opera de la bibliotecas BCM. La codigo de la DBCM ia asinia ce la consiliores de contia de Multnomah es ance la membros de la comite dirijente de la DBCM simultan.
La consilio de la contia ave sinco membros elejeda.
| posto | membro | representa |
|---|---|---|
| presidente | Deborah Kafoury | tota de la contia |
| distrito un | Jules Bailey | la lado ueste de la Willamette, e alga visinas de la lado este |
| distrito du | Loretta Smith | Portland norde e norde-este (a norde de la Autovia Interstatal 84) |
| distrito tre | Judy Shiprack | Portland sude-este (estra areas representada par la distrito un), e la site de Maywood Park |
| distrito cuatro | Diane McKeel | la este de la contia, inclui Gresham, Troutdale, Fairview, e Wood Village |
| posto | nom |
|---|---|
| avocato de distrito | Rod Underhill |
| xerif contial | Dan Staton |
| esaminor contial | Steve March |
Sites e areas noncorporada en la contia
editaSites corporada
edita| site | cuantia de abitores (2011) | area (cilometre cuadrida) |
|---|---|---|
| Portland (1) | 585 845 | 376.6 |
| Gresham | 105 795 | 60.68 |
| Fairview | 8 920 | 9.27 |
| Wood Village | 3 885 | 2.43 |
| Troutdale | 16 000 | 15.59 |
| Lake Oswego (2) | 36 725 | 29.4 |
| Maywood Park | 750 | 0.44 |
(1) Alga partes peti de Portland es en la contias Clackamas e Washington. Esta datos inclui los.
(2) La seja de la site de Lake Oswego es en la contia de Clackamas; la site monta la du contias. Esta datos inclui la abitores e areas en Clackamas.
Areas noncorporada
edita- Bonneville (parario Bonneville)
- Bridal Veil (cascade Multnomah)
- Corbett
- Dodson
- Dunthorpe/Riverdale
- Holbrook
- Interlachen
- Kings Heights
- Latourell
- Orient
- Riverwood
- Springdale
- Sauvie Island
- Warrendale