Formula (gramatica)
Un formula es un strutur sintatical cual es composada de plu ca un parola, ma no ave la organiza "sujeto-predica" de un proposa o frase. Frecuente, la defini permete ance la usa de la espresa "formula minimal" per un sola parola: pe, un sola nom pote es un formula de nom, car la du ave la mesma rol sintatical.
La parola en alga formulas cual pote es usada en loca de la formula completa es nomida la nucleo de la formula, e la tipo de formula es nomida per la nucleo. Per esemplo:
- "la du omes orgulosa" es un formula nomin, car la nucleo es la nom "omes".
- "ia vade rapida" es un formula verbin, car la nucleo es la verbo "vade".
Ma alga formulas es nomida per la parola cual junta la formula a otra formulas o la frase completa:
- "en la casa blanca" es un formula preposadal, car la nucleo es la preposada "en" cual lia la formula a otra partes de la frase.
On ave tipos diversa de formula:
- formula aposadal (incluinte formulas preposadal)
- formula nomin
- formula verbin
- formula pronomal