Galisia
| Galisia Galicia/Galiza Galicia | |||
| |||
| |||
| Informa jeneral | |||
| Pais: | Espania | ||
| Capital: | Santiago de Compostela | ||
| Lingua ofisial: | Galego e espaniol | ||
| Sudivides | |||
| Provinses | 4 | ||
| Otras | |||
| Area: | 29.574,4 km² | ||
| Popla: | 2 748 695 | ||
| Densia: | 92,94 | ||
| PIB: | |||
| Mone: | Euro | ||
| Zona de ora: | +1 | ||
| Numero de telefon: | +34 | ||
| Interede: | .gal | ||
Galisia (galego e espaniol: Galicia) es un comunia autonom de Espania norde, e es la abitada istorial de la popla galego. Lo borda Portugal a la sude, Castelia, Leon e Asturias a la este, la Mar Atlantica a la ueste, e la Golfo Biscaia a la norde.
Istoria
editaEn la temprana de la sentenio 5, la crise profonda sufrida par la Impero Roman ia permete ce tribus diversa de Europa sentral (suebas, vandales e alanes) traversa la Reno e penetra la fronteras a 31 desembre 406. Sua progresa en dirije a la penisola iberian ia obliga la autoriosas roman a institui un trata (foedus) par cual la suebas va forma un colonia pasosa e governa Galisia como aliadas imperal. Donce, de 409 Galisia ia es controlada par la suebas, forminte la rena medieval prima creada en Europa, en 411, an ante la cade de la Impero Roman, esente ance la rena germanica prima cual ia ave monerias sur teras roman. En esta periodo, un colonia e un bispia brites ia es instituida en la norde de Galisia (Britonia), probable como alias de la suebas. En 585, la re visigoto Leovigildo ia invade la rena sueba de Galisia e ia vinse lo, traente lo su domina visigoto.
Plu tarda, la muslimes ia invade Espania (711), ma la arabis e moros ia ave nunca un controla vera de Galisia, cual ia es ajuntada a la Rena de Asturias, conoseda como Gallaecia o Galicia (Yillīqiya e Galīsiya) par la arcivores muslim como ance par multe europeanes. Esta eda ia forti Galisia como un sosia cristian con lingua romanica. En la sentenio seguente, la nobiles galego ia concista la norde de Portugal (Coimbra ia cade su potia cristian en 871), tal librinte lo cual on ia regarda como la site la plu sude de Galisia antica.
Linguas
editaLa lingua orijinal de Galisia es galego. Multe persones parla ancora esta lingua, cual es relatada a portuges. La galego desende de latina, e donce es un lingua romanica. Lo ave un academia, nomida Real Academia Galega. En Galisia, espaniol es ance parlada.
Imno
editaLa testo de la imno galego (Os Pinos pd "La Pinos") es la du partes prima de la poesia Queixumes dos pinos (Jemi de la Pinos) de Eduardo Pondal con musica de Pascual Veiga. Sua mostra prima ia aveni en Havana, a 20 desembre 1907.