Linguas japonica
La linguas japonica (acc japanes-riuciuan) inclui la lingua japanes (nion) parlada a la isolas major de Japan, e la linguas riuciuan parlada a la Isolas Riuciu. La lingua asendente es nomida protojapanica. La cualia esensal de esta clasi es ce la fende prima en la familia ia resulta en la separa de tota dialetos de japanes de tota varias de riuciuan, cual ia aveni posible en la periodo Yamato (250-710).
La linguas es probable isolada de otra familias, ma alga otra posibles ia es sujesteda. La idea ce los es relatada a la linguas de Corea no ia ave suporta, an si lo es probable ce la popla ia migra de la penisola corean. Un otra posible es ce los es relatada a la linguas sinotibetan, spesial un forma temprana de miama. Esta idea es suportada par alga rexercas cual indica ce la popla orijinal ia vade tra la costa de Xina de Asia sude-este. Un otra teoria es ce los es relatada a la linguas austronesian cual ia orijina en Taiuan o la linguas austroasiatica, pe la mesma orijina como viet (lingua) e cmer.