Olmo
Olmos es arbores caduca e semi-caduca composante la jenera de plantas florinte Ulmus en la familia Ulmaceae. La jenera ia apare prima en la periodo jeolojial miosene sirca 20 milion anios a ante, orijinal en Asia sentral. Esta arbores ia flori e sperde tra la plu de la emisfera norde, abitante la rejiones tempera e montania-tropical de America Norde e Eurasia, e aora estendente a sude ultra la ecuator a Indonesia.
Olmos es parte de multe tipos de forestas natural. Plu, en la sentenios 19 e 29 temprana, multe spesies e varias elejeda ia es ance plantada como arbores orna longa stradas e en jardines e parces en Europa, America Norde, e partes de la emisfera sude, spesial Australasia. Alga olmos ia ateni un grandia e eda grande.
Ma en desenios resente, la plu de olmos matur orijinante en Europa o America Norde ia mori de grafiose, o la maladia nederlandes de olmos, causada par un micro-fungo (jenera Ophiostoma) sperdeda par scarabes (jenera Scolytus) de cortex. La maladia ia es descriveda e analiseda prima en desenio 1920 par la botanistes nederlandes Bea Schwarz e Christina Johanna Buisman. En responde, varias elejeda cual resiste la maladia ia es developada, capas de restora la olmo a forestas e jardines.