Pieter Bruegel la vea
Pieter Bruegel la vea (Nederlandes: [ˈpitər ˈbrøːɣəɫ], prosima: "piter brogel"); sirca 1525/1530 - 9 setembre 1569) ia es la artiste la plu importante de la depinta de la renase nederlandes e flames, un depintor e impresor de Brabant, conoseda per sua depintas de vista e la vive de campaniores. El ia es un abrivia en la produi depintas grande con ambos sujetos como la focas.
El ia es un influe forminte sur la eda de oro de depinta nederlandes, e plu tarda de sua sujetos inovante, como un de la jenera prima de artistes ci ia maturi cuando la sujetos relijiosa ia sesa como la sujetos natural de depinta. El no ia crea depintas personal, un otra forma xef de arte nederlandes. Pos sua instrui e viajas a Italia, el ia reveni en 1555 per reloca en Antwerp, do el labora xef como un desinior de primas per un publicor major de la periodo. Sola a la fini de la desenio el ia cambia per produi xef depintas, e tota sua depintas famosa veni de la periodo seguente de pico plu de un desenio ante sua mori, cuando el ia es probable en sua eda de la 40s temprana, e a la culmina de sua potias.
Sua arte ia revive sujetos medieval como la divertis de vive comun en manoscritos luminada e la senas en calendarios de laboras cultival locada en fondos de vistas campania, e el pone los en situas multe plu grande ca a ante, e en la media cara de pinta de olio El fa la mesma con la mundo fantasin e anarciosa developada en la impresas e imajes en libros de la Renase.