Plaser

Plaser es la state de consensia oposada a dole. Cicero ia scrive Omne id, quo gaudemus, voluptas est, ut omne quo offendimur dolor. ("Cada cosa par cual nos joia es plaser, como cada cosa par cual nos sufri es dole.")

Spesies de plaser inclui: ama, estasia, euforia, felisia, joia, gloria, deleta. Alga psicolojistes e biolojistes sujeste ce la prosedes de plaser e de dole es fundas de tota conduis de spesies biolojial.

La fonte de multe cosas plasente es un impulsa biolojial a la sasia de lo: par come, par defeca, par dormi, par cuietia, par jua, par eserse, par limpi, par conversa, par ama, par seso. Ma ance esperias gustable veni de comprendes sosial: servi, amia, reconose, gloria, jentilia. Ance frecuente, plaser veni de gusta en cultur e en ativias sosial, como arte, musica, e leteratur.