Sindrom de fatiga cronica

Sindrom de fatiga cronica es un maladia marcada par fatiga persistente sin relata a ativia, no reduida par reposa, e acompaniada par otra sintomes spesial. El es ance clamada "sindrom de fatiga posviral" (cuando el comensa pos un infeta viral), "ensefalomielite mialjial", e otra termos varios. La causa de esta maladia no es conoseda, e el no ave marcas biolojial clar.

Sintomes inclui dole sperdeda de musculos e juntas, problemes de pensa, e fatiga fisical e mental, a alga veses grave. Otra sintomes reportada inclui debilia de la musculos, supersensosia, nontolera ortostatica, disturbas de dijesta, depresa mental, mal responda de la sistem imune, e problemes de cor e pulmones.

La sindrom afeta entre 7 a 3000 per 100 000 adultas. El afeta prima persones de entre 40 e 60 anios, e plu femes ce omes. Recovre aveni en sola 5 a 10% de casos.